Черскиек гатэркытаароңленат

Ныръэтури, титэ вытку нинэльутури тиркықэй пинтиқэтыльын?

Коргаквыргын Эйгысқырамкэты, мытив пэтле роматгъа, ракыткытръогъа, тэркытаароңгыргын гапыңылтэлен инэнлельын ЦВК «Этнос» Наталья Курилова праздник тыляма.

Ымы ынпыльыт, ымы ңиныльыт умэкэтгъэт субботак, қликкин ыннэнқав ылёк январык (ынпылювлек), ңаргын самолётык қача Ли-2 Черскиек тэркытаароңынго. Энанкавыльо гатваленат Николай Васильевич Ягловский (Чери) ынкъам Ольга Алексеевна Сергеева.

Наталья — ым Курилова гапыңылтэлен рэқу нытэйкықин Эйгысқыварата тэркытаароңгыргын. Иңқун ыттъыёлягты кынтагты нынымытваркынат оравэтльат, кавэты нытвагъан гииңит: гынникэ, ыннэ ымы қаат ныгынкэвыркынэт. 

Ынңэн ылёңэт колё гэчьэчеңэтлин, тэңэвын ымыльо рэмкын расвыгъат. Ыттъыёл етгъэт Стас Ильин, Илья Филютчик ынкъам Саша Винокуров.

Тэркытаароңыплыткок ымыльо қытгъэт ЦВК «Этнос», миңкы гапавленат гаяскама. Ганкалыровлен документальный кино, нымытвальыт эллықык, миңкри нытэйкықин ярар, ынқо гувичвэтлинэт. Наталья Курилова чама специалистат отделения социальныйкэн вэнратгыргын ройыръэн чама нананаргэн ганкалыровлен овэчватгыргын: » Эчьыльын нэлгын», ырыткогыргын «Рэвымрэвыт», «Энанпыткэвыльын ыльыле», гаралечетленат налгыткынык.

Нананарыкы инэныйгулевыльэ чувчеңйиле Черскийкэн калеткоракэн Дарья Отторона йылнинэт грамотат, специалистат — ым ОСПСиД — призтэ.

Колё нытэңқин праздник гатвален, урэңит ванэ ныравтынат ңинқэгти, ыргисгу вэтгаво нылгықин ңотэнъылёңэт.

Александра ТАВРАТ, инэнлельын отделением социальныйкэн вэнратгыргын ройыръэн чама нананаргэн.

Фото Алексея КУРИЛО

Гэйилыльэтлин Равтыңана