«Эйгысқыкин эңэрэ» гичинин командат  Билибинкэн ынкъам Нижнеколымскакэн районтэ Анюйскак

«Эйгысқыкин эңэрэ» гичинин командат  Билибинкэн ынкъам Нижнеколымскакэн районтэ Анюйскак

Нымнымык Анюйскак Билибинкэн районык Чукоткакэн Автономный Округык гэқэплювичвэтлинэт — волейбол Кубка Эйгысқыэңэр Александра Фёдоровича Заводчикова.

 

Гақръачетленат командат городкэн Билибино «Тайфун», нымнымыт Қэпэрвээм, Илирңэй, Анюйск чама Черскиельыт.

 

 

Ямга районтэ Якутиякэн чама Чукоткакэн пэнин льуулгыльыт.

 

 

Ветеран Чукоткакэн Александр Заводчиков пэнин вэтгаво лыңыльын экономическакэн майңатгыргын, культуракэн ынкъам қыръачеткэн томгыльатгыргын. Ынан чит чинит нэнантомгавқэн қыръачетгыргын чама культуракэн льоолгыгыргын.

 

 

Ңырақав февралык (чьачанльоргык) льуулгыплыткук Анюйскак ганкалыровлен концерт Анюйскальыт ынкъам Черскиельыт.

 

 

Инэнлельын Управлениякэн культуракэн Нижнеколымскакэн районкэн Альбина Винокурова рылгынэн йилынңив эрмэкин районкэн чама йылнин Екутыльыкин чорон ңаакагты Александра Фёдоровичынин — Людмилана.

 

 

Нижнеколымскакэн рэмкэ нэмықай гакэтъолен Александр Фёдоровича — Геннадий Минеев ынкъам Алексей Курило. Ыргынан гивлинэт миңкэмил гэқитпыльэтлин эмрэтумгыльэнңэ Билибинский район Чукоткакэн чама Нижнеколымскакэн район Якутиякэн.

 

Қыръачетырыкы гэйилынңивэтлинэт Анюйскакэнат кэлиткульыт.

 

 

Плыткугъэт кэлиткульыт, моогъэ қыръачетгыргын. Ымыльэты мероприятия рэплыткуа мытлыңқав чьачанльоргык.

 

 

Алексей КУРИЛО (Виилыгтын авторынэн)
«Колымская правда»

Гэйилыльэтлин Равтыңана

Написать комментарий

1 × 4 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ