Арктикакэн колледж — инэныйгулевыльын торъоравэтльэн
Арктикакэн колледж Эйгысқывараткэн инэныйгулевыльын торваңэльыт, мурык нутэк чама гэнъэтлин рытомгавыльо федеральныйкэн проекта «Цифровая образовательная среда», студентат колледжакэн нывинрэтқинэт районык чама республиканскиек мероприятияк. Қликкин ңырақав — қликкин ыннанмытлыңқавтагнэты январык (ынпылювлек) колледжагты гэетлинэт эрмэт Министерствакэн гэулятгыргын РС(Я) чама подведомственнойкэн учреждения, ңирэқ ылёңэт инэныйгулевыльыт гастудентама вэтгаво гэлгылин прогнозы майңатгыргын ыттъыёлягты.
Қликкин ңырақав ынпылювлек гатвален ковлекы вальын ыттол, миңкы гэльуулгылинэт инэныйгулевыльыт ынкъам актив колледжакэн гапредставительма Министерства гэулятгыргын РС (Я), департамента государственныйкэн политики сферак науки чама профобразованиякэн Иннокентия Оконешникова, эрым Института майңатгыргыкэн (развития) профессиональныйкэн гэулятгыргын Лидии Ивановой, заместителя директора Центра опережающей профессиональныйкэн подготовки РС (Я) рамкак федеральныйкэн проектакэн «Торпрофессионалтэ» Юлии Лебедевой.
Ивыр колледжак ныйгулетқинэт ңырақ қликкин мынгыткэн мытлыңэн парол студентат, нарантомгавңын — администратор гостиницакэн ынкъам мастер тэминңычьын художественныйкэн изделият кожайпы, Группат колледжак эммынгыткэн ңирэқ студентат. Студентат эмқынгииңитык нылейвықинэт эллықэты вэнратынго община «Торвагыргын» каралыткок чама қаанматык. Ынкэмил студентат ныйгулетқинэт қаагынрэтык, юрэқ ыттъыёлягты раваңэңыт ңэлвылекы. Ңэвысқэт Влада Каургина, плыткульын гиулетык колледжак қорагынрэтыльын — механизатор, ивыр — ым студентка экономическакэн факультет СВФУ.
Эрым Институткэн развития чама повышения квалификации Лидия Ивановна гапыңылтэлен представительэты колледжакэн, иңқун Гииңит инэныйгулевыльин ынкъам наставника РФ чама Гииңит ваңэкэн республикак, нэрэинээрңынэт ыттъыёлягты торнаправленият, мастерские, нарантомгавңын торкластеры, чама — ым таңгиулетык торъоравэтльарык нэмықай конкурсак ынкъам грантак. Ынңин вальыт программат «Қыйгулетыркын, қываңэркын Якутияк», «Всероссийскакэн тылягыргын (движение) нэнэнин чама торъоравэтльэн», «Эффективныйкэн регион», «Ныгтамъав производство» Эйгысқыколледжак нэмықай раваңэңңоңыт.
Эрмэкин винрэтыльын Центр опережающей профессиональныйкэн рытэнмавъё федеральныйкэн проекта » Молодые профессионалы » Юлия Лебедева гапыңылтэлен иңқун нытэнмавқэнат ыннэнқавэты Ымвараткэн (Международному) чемпионату қорагынрэтъыльырыкы, ратваа нымнымык Иенгра ынкъам Нерюнгрик мынгыткэн ыннанмытлыңқав мынгыткэн қонъачыңтагнэты льоргықаек, чемпионат тыляма ратваа қръачетгыргын эйгысқыкомпетенциям. Студентат колледжакэнат нэмықай ңэнри рэлейвыңыт.
Нижнеколымскакэн район, ымы қутти Эйгысқырайонэты, ныгтамъав нылгықин тэлеңкин вагыргын, қорагынрэтгыргын, гынниңңыттыгыргын гынниңңыттыгыргын авнантыяатка чиниткин вагыргын ыныйгулевыркын торъоравэтльат.
Ытръэч — ым арэтконо нитқин ақаръэтти, эқэлтэтыльын интернет, инэнкимэвытку нитқин тортехнологияк гэулятгыргык, лейвык конференциягты, омакатгыргэты эвытлым форумэты.
Эвыр центральныйкэн районыт нымэльэв нываңэқэнат цифровой гэулятгыргын, ынкэмил ынкы нымкықин таңрезультатэ, титэ мурык нэрэтэйкыңын высокоскоростнойкэн интернет (оптоволокна), тэңэвын раваңэңыт кынмал ымыльо гэулятучрежденият.
Плыткульыт ваңэк Эйгысқыколледжак, рэмкыльыт иквъэт тэвмэчынкы ыргисгу нываңэқэнат инэныйгулевыльыт чама студентат.
Наталья КЭМЛИЛЬ (Виилыгтын авторынэн)
Колымская правда
Гэйилыльэтлин Равтыңана
