Омолгикакур бикэллу су горово…

 Дюрдяр дыгинду мирэду, мутни Президент РФ Владимир Путин, сэхэргерин бэелду сэри дагамадяран. Мутнил омолгиял, ни армиявэ ӈэнэрэн, уручел, мутни Бугав аят бидэн дюлэски.

Кронгауз Станислав Васильевич — эдэрикан омолгичан. 20.10.2000 анӈаниду, бикитту Иеӈнэду балдыча. Со ая омолги бихин. МОУ гэрбичи Г.М.Василевич, татчарин. Кэтэ гиркичи бихин. Вольнай борьбала ӈэнэктэдерин, эӈэи омолги бихин. Агагумнил, нян нуӈанман аявдеритын. Окин-кэт эхин ӈинюн-да ляхиматтэ.  Нуӈанду хэгды тэкэн. Эня — Кронгауз Мария, гэрбин бичэн. Аминын — Кронгауз Василий. Акинын-Алексей, экинын-Ираида, эткан нуӈан студентка, кираргу акинын-Егорка, нуӈан таткитту, тунӈа классту татчаран. Эткан нуӈартын эмукир эманмурэ. Амтыл, акин Стас, ачин очал. Мулане куӈакарвэ.

Дюр тыхинча дюрдяр дюр анӈаниду Станислав Кронгауз очин оран. Воинское звание: Гвардии ефрейтор. Указ Президента РФ юрэн, Кронгауз Станиславу Васильевичу, Орден Мужества буда. Иеӈнэду караипчал нуӈанман. Бутунну бикит эмэрэн. Таткитту уголоквэ ора: «Мутни герой».

Эткэн сэри ӈэнэдерэн, мутнил омолгиял, Иеӈнэдук урудерэ. Эдатын эрул бэел, дагамара мутнилдулэ дуннэлэ. Эвэнкикакур манавдяра! Гудейкэр, эдэрикэр омолгиял, бикэллу су горово!

Алена Колесова