Межрегиональнай «Хуктывун-2023 »аннаниду, эвэнкил Забайкальедук, тадук Якутиядук бакалдыдятын!

Дыгинду-туннаду эктэнкирэду, Забайкальскайду дуннэду Межрегиональнай «Хуктывун»,  нэнэдян. Эр хуктывунду гэрбивэ эвэнкидук  Якутиядук, Николаев Арсентий Прокопьевичту одяра. Арсентий Прокопьевич,нонон Якутияду председатель Ассоциацияду  этэечимнилду бихин. Кэтэ аннанылвэ  общинаду «Тяня»  хавалдярин, тадук депутат Государственнай собранияду Ил Тумэнду Якодыду Республикаду бихин.

Эр аннаныду «Хуктывунмэ» одяра, администрациел Каларскай округтук Забайкальедук, тадук Тянскай наслегдук, ассоциация КМНС Якоды Республикадук, тадук «Удокаменскай медь» бэлэтчэрэн.

Дыгин эктэнкирэду дюр часту «Хэгды мостаду» конференция нэнэдян. «Он этэечимнил индерэ, тадук дуннэни развитие традиционнай природопользования». Конференция этэврэкин, праздничнай концерт одян, дюду культурэду бикитту Чараду. Рахинэил регионыл, бэел эмэдятын, ни аят икэндерэн икэрвэ.

Туннаду эктэнкирэду дян дюрду часту, бикитту Чара, «Хуктывунмэ» нивдятын. Ирэмэдерилду бэелду хуктывунмэ этэечимнил  ичэвкэндятын. Он орорди уктывувкил, сыргалди, учакилди. Тадук эвэдылвэ девгэлвэ иридятын, ичэвкэндятын маталду. Маутылвэ нодадятын, сырга оелин этэкэрудятын, мастер-классвэ ичэвкэндятын.

«Хуктывун»- эр сома алатчари инэни. Эр инэнивэ, бутуннул эвэнкил алатчара, бакалдыда гиркинюнми, нерчада орорди. Турэтчэда эвэдыт. Минни аминми Арсентий Прокопьевич, аятчэрин эр «Хуктывунмэ» 2022 аннаниду ода. Эр аннаниду бу одярав «Хуктывунмэ» Чарэду!- гундерэн: Виктория Николаева, Арсентийни хунадин. Эткан нунан глава общинаду «Тяня» хавалдяран. Аминнивэ хававэ нэнэвдерэн!

Аямат «Хуктывун» Чарэду нэнэин!

Алена Колесова эвэдыт дукучан