Миңкри рытэңычвэтык экономикан Нижней Экулымэкин

Миңкри рытэңычвэтык экономикан Нижней Экулымэкин

Миңкри вальыт пынлёт вэтгаво гэлгылинэт правительствата Черскиек

 

Мынгыткэн ңэръамытлыңқав чьачанльоргык Молодёжный центрак гатвален эмқынгииңиткин отчёт исполнительный кэн органкэн государственныйкэн власти Республикакэн Саха (Якутия) итогакэн ваңэё 2022 гииңиткин.

Варат рамкэты нымнымкэн Черскийкэн ганкалыровлен кино миңкэмил нываңэқэнат эрмэт правительствакэн областяк социально — экономическакэн майңатгыргын республикакэн, гавэтгавлен председатель ваңэгруппакэн министр Эйгысқыкин майңатгыргын чама Эйгысқывараткэн РС (Я) Владимир Черноградский.

 

 

Ынан вэтгаво гэлгылин ваңэгыргын республикак, эйгысқырайонык.

 

Пыңылтэлыплыткок, нымытвальыт райцентракэн  вэтгаво гэлгылин нымнымкэн вагыргын, чама — ым томгатыльыт пынлёт членагты Правительствагты. 

 

Ынаныттъыёл гавэтгавлен кынъёракэн эрым «Северянка» Галина Габайдулина гапредложенияма Министерствагты гэулятгыргын иңқун чимгъуу ынылгыан наименования должностей, вальылқыл нормативкэн штатныйкэн расписаниян дошкольныйкэн учреждений. Нэмэлым вэтгаво лыгнин кынъёракэн теплоснабжения. Эмқынгииңиткин элгытавго трубыт ванэ ыныномавыркынат кынъёран.

 

 

Депутат нымнымкэн Николай Калинкинына гамңылёлен этынвыкэ вальыт ыттъыт: «Кэлитьул йъыльё республикайпы тъарычватыркыт . Вэты ивкэ питомник, ыттъырэ ыттъэты чама — ым имы ръэнутэт. Миңкри нэрэнтыңын ынқэн чемгъогыргын?»  Ынқэн пынлёт нэкэлиан постановочныйкэн пынлегты.

 

Председатель комиссиякэн райсоветкэн ЖКХ, тыленэңкин (транспорта) ээккин (энергетики) чама редактор газетакэн » Колымская правда » Алексей Курило пынлёнэн чивтъэр пынлёт : » Развития тылягыргыкэн гаймаңэн рэнмэйңэвңынин экономикан районкэн, Ивкэ — ым нъычван инвестор тайкынго ръэт Лыгъоравэтльанотагты, виин уйңэ проектно — сметныйкэн документацият. Зеленомысскийкэн вээмкин портагты вэты ивкэ тэйкык кардинальныйкэн модернизация инженерныйкэн структура, миңкри Министерствота транспортакэн нэрэнчимгъувңын ынқэн чемгъогыргын (проблема)? Ивкэ тэнкэвңык материально — технитескакэн базан Нижнеколымскакэн участка КП «Эйгысқыкин ръэтти» тайкынго чама гытамо лыңынго  ръэтти рытомгавынго карьер».

 

 

Ыннэнқавкэн заместитель министракэн транспорта чама ръэткин хозяйства Анатолий Потапов » Ръэт Лыгъоравэтльанотагты нываңэморэ инвестор рээн. Зеленомысскэн вээмкин порт — варкын проблема ээккин (электроэнергии), нычвақэн скачки напряжениякэн. Моргынан вэтгаво нинэлгымури модернизации  портакэн. Техникат ръэткин, нэмықай ваңэнво нинэлгымури». 

 

Шеф — редакторкэн » Колымская правда »  Наталья Кемлиль » Ңирэқ гииңит Черскиек гатвален чемгъогыргын (проблема) авиарейсакэн Якутскагты. Кытур рэқулымңэ кампаниягты «Полярные авиалинии» мынгытқликкин мытлыңқликкин оравэтльат эквэтгъэт стыковочныйкэн рейсата Черский — Среднеколымск Якутскагты ынқо пэлқынтэтгъэт. Ңотэнгииңитык Якутскак нэрэтэйкыңын взлётно — посадочный полосат, ынкъам мимлыръылик (май) эйңэйъйилгытагнэты (сентябрь) ратваа чемгъогыргын (проблема) авиаперевозкат.  Ивкэ энмэс ивыр ыттъыёлягты рытомгавык қаақын рейсат. Ивыр тылеркын СВО, мыкычьу ңэанти, нэнэнэт, ыргинэт чымчекинэт маравқлявылыргэн рэквэнңыт районгыпы, ивкэ эвнэ чемгъуу ынылгыгъэн ынқэн». 

 

Надежда ТЫРЫЛГИНА
(Виилыгтын авторынэн чама Алексея КУРИЛО).

Гэйилыльэтлин Равтыңана

Написать комментарий

тринадцать − 13 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ