Қликкин ңэръамытлыңқав чьачанльоргык ымвараткэн умқин ылёңэт
Ңотқэн ылёңэт гантомгавлен иңқун вириңык умқы, нымкээркынэт ыттъыёлягты. Винрэтыльын эрмин «Ленские столбы» — инэнлельын ГПЗ «Умқин илирти» Иван Суздалов гивлин :
Вараттэ, нымытвальыт Нижнеколымскакэн районык, ңотэнъылё майңыпраздник умқин ылёңэт. Айвэ рымагты етгъат мургинэт ваңэльыт заповедникык, нарылгыгъан умқэт чама қутти гынникыт вальыт заповедникык. Ынқэн ваңэё ынанвальылқыл. Рымагтэты ваңэк ганаучный сообщество рээн, кыткыткэн — гырокэн лыги рытчык умқырат.
Тытэңқитпыңыркынитык оравэтльат ваңэльыт «Умқин илирык» чама майңыпредприятиян «Национальный парк » Ленские столбы » директоргыпы Аркадия Семёнова ымыльо ваңэльыт заповедникык.
Ивыр инспектора нытэйкықин плановые мероприятият, ытръэч — ым нычьэчеңэтқин ңаргынэн, тэңэвынъым мури нываңэморэ.
Алексей КУРИЛО (Виилыгтын авторынэн)
Гэйилыльэтлин Равтыңана
