Сааскылак селотун олоктоокторо РС(Я) правительствотын отчетугар активнайдык кыттыннылар

Сааскылак селотун олоктоокторо РС(Я) правительствотын отчетугар активнайдык кыттыннылар

28-таак февральга Анабар районун Саскылах с. Республика Саха (Якутия) государственнай властин исполнительнай органын 2022 дьыллаагы үлэтин отчетун, Перфильев Евгений Андреевич- РС(Я) экология5а, природопользованияга онуга лесной хозяйствога министр обязанаһын толорооччу, рабочай группа һалайааччыта, Неустроев Сергей Анатольевич- Арктика һайдыытыгар онуга РС(Я) Север норуоттарын дьыалаларыгар министры маӈнайгы һолбуйааччы, Анабар районун координатор- куратора уонна Платонов Эдуард Петрович- Анабар районун главата ыыттылар.

 

Отчет инникээнинэ награждения церемонията буолбута. 2022 дьыллагы үлэ түмүктэрин население иннигэр Перфильев Евгений Андреевич аакта. Олоктооктор доклады интириэстээхтик иһиллээтилэр онуга актуальнай вопростар: здравоохраненияга, Анабар районун ЦРБгар узкай специалистар тиийбэттэр диэн, лекарственнай препараттарынан кааччыйыы туһунан, Севернай авиация һайдыытыгар — авиапорт реконструкцията, воздушнай суднолар состояниялара , авиабилет сыаната ыараканын этиннилэр. транспортнай инфраструктура һайдыытыгар, үөрэктээһини поддержкалааһын, дулгаан тылын популяризациялааһын, һайыннарыы,сельскай хозяйстволары һайыннарыы онуга сельскай хозяйство улэһиттэрин путевкаларынан кааччыйыы, бродяга ыттарга ыытыллар үлэ проблемалары, Анабар районун природнай ресурсалары карыстааһын эссүө да атын вопростары туруордулар. Саскылах СОШ коллективын аатыттан директор Свешникова Августина Васильевна, АО «Алмазы Анабара» директорыгар Марынычев Павел Алексеевичка көмөтүн иһин мактал тылларын эппитэ.

 

Киирбит вопростарга максимальнай һиһилии эппиэт биэрдилэр. Проблемалары , вопростары барыкааттарын протоколга гиллэрдилэр, үлэ ыытыакпыт диэн эттиннилэр. Муӈ    уһукка РС(Я) правительствотын отчетун олоктооктор ытыс таыһынан ылыннылар. Һарсыныгар правительство рабочай группата годовой отчеттарын ыыта Юрюнг-Хаяга айаннаабыттара.

Владимир Большаков

 

 

 

Написать комментарий

один × три =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ