Москвак гамголен амңыроотқав Ымвараткэн конференциян «Эйгысқын: нъомрықэн майңатгыргык»
Ңирэқав льоргықаек гамголен амңыроотқавкэн Ымвараткэн конференциян «Эйгысқын: нъомрықэн майңатгыргын», ынкы гаваңэленат Оленёкскакэн қорэмтэльыт варатрайонык Якутиякэнат. Нэнанымңылявқэн рэмкэ UlusMedia.
Вэтгаво гэлгылин умэкэтыльырыкы таңмайңатгырго ръэтти, нымытваяракэн чама социальныйкэн инфраструктурат Эйгысқынутэк Российскакэн Федерациякэн. Ынанмайңычьо вэтгаво гэлгылин перспективакэн тылетомгыгыргын нутэгаймычьыт ынкъам ңэйкин Эйгысқыкин комплексат, нымңылтэлқэн пресс — служба регионкэн эрым. Гамголен Ымвараткэн конференциян Гэтэңқитпыңыткулин делегациягты районкэнагты чама рамкыльэты член Советкэн винрэтыльын армагты республикакэн Людмила Николаева.
«Кынмал мынльуан ваңэма социально — экономическакэн майңатгыргын Оленёкскакэн улускэн лыгипэгчиң эмқын оравэтльэн нымытвальэн ңутку». Ымыльо оравэтльагты ынкъам ымыльо морыгмайңынотагты! «, — гивлин Людмила Николаева.
» Конференциян гамголен ңирэқав льоргықаек оратъылёк эрмэкин Оленёкскакэн районкэн Александра Иванова, уйңэ нъэлыльын 2020 гииңитык ынан пэнин гивэ: » Мури қорэмтэльыморэ, ңотқэн нутэнут мурык ыттъыёлергэн, мури нынымытваморэ ңутку ынкъам ңутку мытратваркын!». Эйгысқыкин майңатгыргын кынмал мытынтомгавыркын гаэкспертама чама ганаучныйма сообществама майңынотак, гаваңэоравэтльама, гаэрмэта газаконодательныйкэн оравэтльат рээн федеральныйкэн уровня» — нивқин эрым Оленёкскакэн қорэмтэвараткэн районкэн Лена Иванова.
Ытлён ныпыңылтэлқэн Ымвараткэн коференцияк » Эйгысқын : нъомрықэн майңатгыргын » ратваа ковлекы вальын ыттол, вэтгаво нэрэлгыңын Оленёкский район.
«Ынқэн ыттъыёлкэн гыттапгыргын тылемайңатгыргыкэн янракэн эйгысқыкин нутэнут площадкак авторитетныйкэн Ымвараткэн конференциян» — гапытқыивлин эрым Оленёкскакэн қорэмтэвараткэн районкэн Лена Иванова.
Ымвараткэн конференциян «Эйгысқын : нъомрықэн майңатгыргын» нытвақэн 2016 гээңэтгыпы эмқынгииңитык винрэтыльу нитқин Министерство промышленности чама вэлевгыргын Российскакэн Федерации.
Гэйилыльэтлин Равтыңана
