Военнай операцияга сылдьар киһилэр семьяларыгар Анабар района үгүс поддержканы оӈорор

Военнай операцияга сылдьар киһилэр семьяларыгар Анабар района үгүс поддержканы оӈорор

Дьактардар международнай күӈнэрин инникээнинэ Анабар районун маӈныйгы һолбуйааччыта Василий Поскачин военнай операцияга һылдьар боецтар семьяларын кытта көрүстэ. Чубу көрсүһүүгэ Василий Григорьевич, дойдуга буола турар военнай положенияны кылгастык кэпсээбитэ, барыкааттарыгар тулуурдарын, эрэллэрин иһин мактанна, гинилэр билиӈни кэм геройдара буолалларын эппитэ, онуга туок-каннык кыһалгалаактарын ыньыппыта.

 

Мунуга иньэлэр, эбээлэр үгүстэрэ олорор дьиэбит тымныы, ремона һуок, саӈа частнай дьиэ туттуоктарын туок программа баарын, өссүө да атын көмө тугу оӈоруоктарын ыньыттылар.

 

 

Һалгыы район главатын социальнай вопросторга һолбуйааччы Спиридонова Наталья Алексеевна уолаттарга районтан каннык социальнай көмөлөр оӈоһуллубуттарын, теһе карчы комуллубутун эттэ, сибээскэ таксыбатактарына, һибээс хаппат һиригэр военнай һорудакка сылдьыактарын син диэтэ.

 

Көрсүһүүгэ бэгэһээ дьактар күнүгэр бэлэк курдук Им Снежанна Сусановна кэргэнэ отпуска ылан һиригэр һынньана кэлбитин үөрэн кэпсээтэ. Һотору кэминэн биһиги кэргэттэрбит эмиэ кэлиэктэрэ дьиэн барыкааттара эрэннилэр, һырайдара һырдаан ылла.

 

 

Василий Григорьевич кас киһи санаатын барытын иһиллээтэ, онуга дьиэгэ туттуллар тээйбириннэри боско тиэйэн эгэлиэкпит, кэлэр нэдиэлэгэ олорор дьиэгитин анаан көрүөкпүт диэн эттэ. Муӈ уһукка һааскы чагылкай праздник кэлбитинэн кэрэ сибэккиилэри, минньигэс тортары барыкааттарыгар туттардылар.

Написать комментарий

3 × три =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ