Дьактар күнүгэр аналлаах «Үҥкүүлүөххэ кыргыттар» концертнай-конкурснай программа Саскылакка буолбута

Дьактар күнүгэр аналлаах «Үҥкүүлүөххэ кыргыттар» концертнай-конкурснай программа Саскылакка буолбута

8 Марта «Алмаз» культура центрыгар, Саскылах селотугар, «Үҥкүүлүөххэ кыргыттар» праздничнай танцевальнай кокурс Анабар районун кэрэ аӈардарыгар буолбута. Концертнай зал зрителлэр һааскы настроенияларынан, үөрүү, мичээр атмосфератынан туолбута.

 

 

Конкурс инникээнинэ «Үрүӈ күн» некормерческай организация тэрийбит һака аттарыгар тутуллар эбиэнньэлэр, ковердар выстапкалара буолбута.

 

Мероприятия ведущайдара Арина Оконешникова, Дмитрий Афанасьев a.k.a. “Dim-Kan” һааскы празднигынан эгэрдэлээбиттэрэ. Концертнай программа Арина Оконешникова ( «Цветок Ойкумена- 2021 дьыл кыайыылаага) вокальнай номерынан сагаланна, гини платьета көрөн олордокко эӈин-эӈинник цвета уларыйара. Чубу эффектнай шоу физическай объект изображениятыгар, видеотыгар 3D маппинг-проецирования көмөтүнэн оӈоһуллар.. Мунуга бэйэлэрин үлэлэригэр профессионаллар Евгений Сергеевич Шадрин- мероприятия режиссера, Трофим Степанович Слепцов- художник постановщик визуальнай эффектэри, 3D маппинг айан киһилэргэ көрдөрдүлэр. Платьяны, обраһы креативнай художник-постановщик Арьяна Арьянова оӈордо.

 

 

Анабар районун предприятияларын коллективын художественнай самодеятельноӈын үҥкүүлэрин конкурстара икки этапбтаах этэ: маӈнайгы этапка национальнай стиллээх танцевальнай, иккискэ современнай стиллээх танцевальнай номердар этилэр. Конкурска Юрюнг-Хаятаагы СОШ эдэр учителлара, «Тугутчаан», «Чуораанчык» детсад улэһиттэрин коллективтара, ЖКХ, Анабар ЦРБ, «Кэрэ аӈардар» эдэр специалистар творческай коллективтара кыттыбыттара.

Конкурсаннары Мария Анисимовна Попова, Яна Николаевна Спиридонова, Анисия Николаевна Катанова састааптаах строгай жюри һыаналаата. Мунуга испольнительскай мастерстволарын, артистизмнарын, сценическай культураларын көрдүлэр.

 

 

Выступлениялар кэннилэриттэн, конкурс итогун таһаарбыттара. Призовой местоларга тигистилэр : үһүс место Анабар ЦРБ үлэһиттэрэ, гинилэргэ 10000 солк. сертификат туттардылар. Иккис место Юрюнг-Хаятаагы СОШ коллектива, гинилэргэ 15000 солк. суммалаак сертификат нагараадалаатылар, бастакы почетнай место «Кэрэ аӈардар» творческай коллективтара ылбыттара, кыайыылаактарга 20000 солк. сууммалаах сертификат туттарбыттара. Кыттыбыт конкурсаннарга барыкааттарыгар поощрительнай приз туттарбыттара.

 

 

Концертка киирбит карчы благотворительнай көмө буолар биир дойдулаакпытыгар Усова Татьяна Михайловнага. 

 

Владимир Большаков

Написать комментарий

пять × 4 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ