Торвэлевран «Якутоптторга» тылёпатгъэ Черскиек

Торвэлевран «Якутоптторга» тылёпатгъэ Черскиек

Ыннэнқав льоргықаек гапраздникылгав натылёпгъан торвэлеаран АО «Якутоптторга» тестовык режимак вэлев — логистическакэн центра. Нымытвальа райцентракэнальа колё гъатчален тылёпгыргын торвэлевран, мыгкимитыльын.

Тылёпынго торвэлевран Черскиеты гэриңэпкирлинэт эрмэт АО «Якутоптторг». Винрэтыльыт Минвостокразвития РФ вэлев — логистическакэн центра гантомгавлен лымынкы мынгыткэн ңыроқав эйгысқырайонык республикак.

Торвэлеврак гэнмэйңэвлин ассортимент вальылқылтэ кимитъыт.

 

 

Умэкэтыплыткук вэлеврак қача Вера Иннокентьевна Ивановына тэйкынин Екутыльытаароңгыргын «Алгыс» инэнлельын варатфольклорныйкэн омакатгыргын «Кэскил» Полина Уварова ынкъам путурэколлектив «Дьуогэлэр» нэнқитпыңыткувын умэкэтыльыт торвэлевранңальыт.

 

 

Инэнлельын Управлениякэн майңатгыргын чама вэлеквыргыкэн АО «Якутоптторг» Зинаида Сотникова, пресс — секретарь АО «Якутоптторг» Алёна Дьяконова, эрмэкин винрэтыльын отдела капстроительства АО «Якутоптторг » Роман Петров инэнқитпыңыткуи райцентрак нымытвальырыкы йылнинэт грамотат чама тинэнқитпыңкомакат армайпы «Якутоптторга » ынкъам Министерствайпы предпринимательства, вэлеквыргын чама туризма РС(Я) ваңэльырыкы филиалык «Якутоптторг». Винрэтыльын эрмэкин районкэн Егор Малышев, тинэнқитпыңнин ваңэльыт вэлеврак армайпы районкэн Валерия Сентяковгыпы чама йылнинэт тинэнқитпыңкомакат.

 

Тылёплыткок вэлевран рэмкыт виликвъэт: лиглигыт, лывээръын чама рорат.

 

Наталья Кемлиль
(Виилыгтын Алексея КУРИЛО чама Надежды ТЫРЫЛГИНОЙ)
«Колымская правда»

Гэйилыльэтлин Равтыңана

Написать комментарий

четырнадцать + пятнадцать =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ