Оленекскиек районык гамголен торъоравэтльэн Суглан КМНС Якутиякэн

Нымнымэты Оленек торъоравэтльакэн Суглан Эйгысқывараттэ гэетлинэт инэнлельыт торъоравэтльэн, ырык рээн ымы торқаагынрэтыльыт. Омакатынвэты гэетлинэт Момскакэнат, Нижнеколымскакэнат, Анабарскакэнат, Алданскакэнат, Оленёкскакэнат, Кобяйскакэнат, Среднеколымскакэнат, Жиганскакэнат, Эвено-Бытанскакэнат районгыпы ынкъам Якутскакэнат торъоравэтльат. 

Программа Сугланкэн нываңэлтықэн, гамголен сессияйпы «Торқаагынрэтыльыт», проектныйкэн деятельностякэн, плыткоңок ыннэнқав Межрегиональныйкэн слёт торқаагынрэтыльыргэн, ынкы рэвытрэтгъэ эллықыкинэт чама утчыкукин авынральын.

Ныпыңылтэлқэн группак активак Ассоциацияк КМНС Якутиякэн Лена Иванова, эрым Оленёкскакэн районкэн, коргаквыргын льуулгыльыт мурык айвачнотак торқаагынрэтыльыт, вэтгаво нэрэлгыңын ивыткин вагыргын қаагынрэтыльэн, Эйгысқыторъоравэтльарык пэнинэльу нэрэтчыңыркын қаагынрэтвагыргын, тэлеңкин вагыргын мурык нутэк.

Гэйилыльэтлин Равтыңана