Ваңэетыльыт гэетлинэт Қалярчагты

Ваңэетыльыт гэетлинэт Қалярчагты

Мынгыткэн ңырақав льоргықаек нымнымэты Колымскагты гэетлинэт ваңэгруппа специалистат Управлениякэн гэулятгыргын, МФЦ «Гымнин документат», Центр психологическакэн вэнратгыргын ройыръыкэн ынкъам торъоравэтльэн чама Нижнеколымскакэн ЯРО «Ытльэн Россиякэн».

 

Эрым Управлениякэн гэулятгыргын Юлия Яшная гаспециолистама Екатерина Мыкытчанова ынкъам Анна Котельникова нэрэтынэт вальылқыл яаёлқылтэ калеткорак. Ытри нивқинэт, тъарычватыңогъат гиулетыльыт чама плыткульыт калеткоран.

 

 

Ынанмайңычьын специалист МФЦ» Гымнин документат» Надежда Малышева нымнымльэ колё гъатчален, қутти рэмкыт нылвавқэнат лейвык райцентрэты, қликкин оравэтльат гэлейвылинэт ырыкагты, гаконсультацияленат гэченго документат социальныйкэн калетъолмынгыкво.

 

Психолог ЦППСиМ Галина Вырдылинына гаваңэлен гиулетыльыт рээн калеткорак, гапысвэтгавлен ройыръыт мобилизацияльэн.

 

Председатель Нижнеколымскакэн отделениякэн «Ытльат Россиякэн» Наталья Кемлиль йылнинэт рэқулымңэвкинэт кэлинңивэтти ынкъам қэвииръыт (подарки) председательгыпы Якутиякэн региональныйкэн отделенияйпы Прасковьи Борисовнайпы. Рэқулымңэкинэт кэлинңивэтти гэйытлинэт : Анжелана Копыловына, Марияна Бандеровына чама Екатеринына Бугерына таңванэльыт, гытамо нылгықин тэлеңкин вагыргын, омрытвано ынкъам популяризацияно институкэн ройыръыкэн чама гыйипльэт йытоткольыт (родительства).

 

Гэчевкы мытлейвымык айңанаңаткалеткорагты, миңкы нэнэнэт ныйгулетқинэт фортепиано, нувисвэтқинэт трубак, фольклорныйкэн творчествагты. Эрым калеткоракэн Анжела Копылова гаинэныйгулевыльыт рээн Владимир Лёвшин, Валентина Каургина, Елена Козьмина ыныныйгулевқинэт торэйңэнэңэткульыт чама художникыльыт.

Гиулетыльыт эйңэнэңкалеткорак нынкалыровқэнат гэулятгыргын республиканскакэн чама всероссийскакэн конкурсак ынкъам нэймитқинэт дипломтэ чама наградат.

 

Мургин корр. (Виилыгтын Натальян Кэмлильын)

Колымская правда

Гэйилыльэтлин Равтыңана

Написать комментарий

четыре × 3 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ