Анаабыр районугар маӈнайгы гаражнай распродажа буолан аста

Саскылах поселогар «Алмаз» культура центрыгар райоӈна маӈнайгы гаражнай распродажа буолан ааста. Улакан гуораттарга гаражнай распродажаны ким да одуургаабат, биһиэнэ райоммутугар чубу мероприятия һонун көстүү.
           

«Алмаз» культура  центрыгар гаражнай распродажаһыала — биир керуӈнээх акция,  атыылааччыларга улахан һырата суох, түргэнник, наадата һуок малларын атыылыырга көмө, онуга атыылыһар киһилэргэ чэпчэки һыанага наадалаактарын атыылаһалларыгар, бириэмэлэрин бэсэлээтик атааралларыгар көмөлөөк.

Гаражнай ярмаркага биир площадкага бэйэлэрин табаардарын атыылаары, астастаһаары уонунан киһилэр мустубуттара. Үгүс өттүлэрэ харчыланаары эрэ буолбакка, бэйэлэрин туһаммат малларыгар һаӈа хаһаайын булаары кэлбит этилэр. Таһаара күүстээк тыал буолан мероприятияга киһилэр агыйак этилэр, уота-куөһэ һуок сагаламмыта,онтон мессенджердарынан биллэрии ыытан кэлин һиэсэ киһилэр мустубуттара.

Гинилэр табаардары интэриэһиргээн көрөр этилэр, араас эбиэнньэлэри, таӈастары, атак таӈастарын кэтэн көрөн меряйдыыллара, сөбүлээбит табаардарын атыыласпыттара.
Маӈнайгы гаражнай распродажа Анабар районугар этэӈӈэ табыллан ааста.
         

Поселок олоктоокторо чубунньук мероприятиялары оӈорору интэриэһиргээтилэр, ханна спрос баар да, предложениялар киириэхтэрэ. Организатордар (тэрийээччилэр) өссүө да биир гаражнай распродажаны, һоторукаан да буолбатар, ыытыахпыт диэн этиннилэр.
                                                                                                                   

Владимир Большаков