Нижнеколымский таат Верхнеколымский районпэгэ чэмэрэйльэлңи аадин торгово-логистический центргэлэ

2023 ньэмолҕилгэ таатмиэдьэ торгово-логистический центрэпулгэлэ ааңитэм ньаҕаньбоой Якутийэн арктический районпэгэ. Иисьэдамун киндьэгэ чуө кэйльэлңа разрешениегэлэ уйиңигэн монут атахун таатмиэдьэ объектэпул Черскэйгэ Нижнеколымский районгэ таат Зырянкэгэ Верхнеколымский районгэ.

Якутия Главаги Айсен Николаев поручениегэлэ тадиильэлум 2025 ньэмол5илгэн торгово-логистический центрэпул льэңигэн монут чуму республикэн арктический  районпэгэ.

Тамунпэ преимуществоги — киэсьэ лэгулпэ омось пэниидин таат товарпэ транспортный расходпэ эл чомоогэн монут.

«Минвостокразвитие России хамиэлоолгэн чуму мит республика 13 арктический районпэгэ ааңитэм таатмиэдьэ торгово-логистический центрпулгэлэ. 2023 ньэмолҕилгэ уйиңитэй таң центрпэ аадин. Таат аай йуөңитэм товарпэ ценэпул эл чоммуңигэн монут таң районпэгэ, хадуңгэ льэңи таң центрпэ», — таат мондьоодэк республика главаги.

Идьии строительно-монтажный уйилпэ хоннуңи Среднеколымск городкэ Среднеколымский районгэ, с. Жиганск Жиганский районгэ таат Тикси посёлкэгэ Булунский районгэ.

Таң торгово-логистический центрпэ таа ааңитэм 2023 ньэмолҕилгэ.

Таат аай тиң ньэмолҕилгэ кэсьииңитэм стройматериалгэлэ аадин таң центрэпулгэлэ илэклоой арктический улуспэңин — Аллаиховскийңин, Момскэйңин, Оленёкскэйңин таат Эвено-Батантайскэйңин.

Таатмиэй центрпулгэлэ чуө йоҕодайльэлңа Абыйскэйгэ таат Усть-Янскэй районпэгэ.

АО «Якутоптторг» транспортный расходкин хамиэт кэйльэлум субсидияплэ, тамун эл кэйнум чоммуштин ценэплэ таң торгово-логистический центрпэгэ — идьии ценэпул социально-значимэйгэ продовольственный товарпэгэ өгэт 56% аалбооңи йиэнбэнпэгэт хозяйственный коммерческий структурпэгэт. Ассортимент аай чоммульэл, таат льэңи: кисломолочный продукцийэк, колбасныйпэ таат кондитерский продукцийэк, овощепул, фруктэпул таат йиэнбэн товарпэ.

Центрэпул омось пэнит мойнуңи кэсьиийоон лэгулэ таат аай шоромопкэт мэйнуңа, первичный переработка аадэ, местный промысловый продукциялэ: анилэ, аасьэн чуулгэлэ, хааргэлэ, лэбэйдиилэ. ТЛЦ базэгэ аай тудаа титэ факториялэк оотэй, тамун омоотэй омось мододин арктический районпэгэ.

Пресс-служба Главы Республики Саха(Якутия) и Правительства Республики Саха(Якутия).

Одул титэ шурэлэшум Любовь Дёмина