Росбалыктааһын представителяра Сааскылаак олоктоктоокторун кыыта мунньактаатылар
«Алмаз» культура центрыгар балыктааһын вопростарыгар олоктоок киһилэр организациялар һалайааччылларын гытта һүбэ мунньактара буолбута.
Мунньагы Толстоухов Вячеслав Федорович- балыктааһыӈӈа федеральнай агенство Восточносибирскай территориальнай һалаатын врио һалайааччыта, Фисак Роман Александрович РС(Я) рыбоохрана межрайоннай промышленнай отделын начальнига, Поскачин Василий Григорьевич — Анабар районун главатын маӈнайгы һолбуйааччыта ыыттылар.
Мунньах һүрүн һыала- Анабар районун балык хозяйствотын проблемнай вопростарын дьүүллэһии, промышленнай балыктааһыны һитиһии, эффективноһын үрдэтии, ону быһаарарга этинии, күөллэргэ рыбохозяйственнай обстановканы иэдэллээх быһыыга — майгыга һуһаллык быһаарсыы.
Һубу көрсүһүүгэ Вячеслав Федорович рыбаловство Правилатынан балыктааһын кайдак регламеннанарын , промышленнай, любитель балыкчыттарга рыбооохраннай законодательствога һаӈа киирбит һокуоннары кэпсээтэ, киирбит вопростарга толору эппиэттэри биэрдэ.
Илимнэри, балыгы тутар тэриллэри учуоттааһын, маркировкалааһын, КМНС традиционнай балыктааһыннарын, квота объемун түӈэтии вопростара толору эппиэттэри биэрдэ. Маны тэӈэ Роман Александрович промышленниктарга квартальнай отчеттарын, промысловой журналларын кэмигэр толороллоруӈ, штрафной санкциялар буолуоктарын сөбүн һэрэттэ
Муӈ уһукка, балыктааһыӈӈа Федеральнай агенства территориальнай управления сайтыгар бары наадалаах информация баарын эттилэр.
Владимир Большаков
