Мультфилмэлвэ АЛРОСА одяра куӈакарду, рахинаилдит турэрдит

Мультфилмэлвэ АЛРОСА одяра куӈакарду, рахинаилдит турэрдит

Экологическай центр АЛРОСА, омактаду анӈаниду, очал куӈакарду мультфилмэ, улгурилдули. Эр онёвуртыки илан хавал ирэ: «Эгданни айкит», «Ирэктэкэн», тадук «Сулаки-няӈня». Эр героил, он дукучал книгаду, алагувдяра кунакарвэ, он дуннэви аявда, он бэелнюн аят сэхэргэда, бидеда.

 

Бу нян, бэлэтчэривув, эр онёвур юдатын. Мутни «Илкэн», геваннан дукудяривув, эр онёвурдули. Вера Абрамова, нунан эвэдыт дукудярин, эр онёвурдутын. Вера Вячеславовна — эвэнки, бикиттук Нюкдэдук. Кэтэ анӈанилвэ таткитту «Арктика» хавалдяран, эвэдывэ турэнмэ алагувдяран.

 

Презентация эр мультфильмэвэ Центрду куӈакарни образованияду, городту Мирнайду ӈэнэрэн. Культурно-спортивнай комплекс АЛРОСА, ичэвкэндерэ куӈакарду эр онёвурвэ. Тадук кинотеатрду «Алтама провинции», телеканалду «Алтама дуннэ» ичэвкэндетын.

 

Эр мультфильмэ илан турэрди очал: лучадыт, ёкодыт, эвэдыт.

 

Эвэдыт:

 

 

Якодыт:

 

 

Лучадыт:

 

Со аявэ хававэ одяра, мутнил бэел! Куӈакар эдатын омӈоро мэнниви турэнми! Мит урундерэв! Бэлэтчэнэ бидедят!

 

Андрей Исаков

Эвэдыт дукуча Алёна Колесова

 

Написать комментарий

15 − 5 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ