Гаянотлен вэтгавык председатель АКМНС районкэн Александра Таврат.
Ңотэнвулқытвик Зоя Аммосова рыкалыровнэн торкартинан «ытльэн тэлеңкин лымңыл».
«Ымма, пэнин ваңэльын, ваңэма типъэйңэльын. Ңээккэқэю вама пэнин нэнавалёмэгым грэпти, тэлеңкинэт лымңылти, эвъётэ ынпыльырык ңэнычьэты. Ымыльо ынқэн тынкалыроквъан картинак», – иквъи Зоя Аммосова.
Ынңин нивқин чинит художник, ынан пэнинэмилю нинэтэйкықин чемгъотваё картинак. Ңирэқ картинат ыттъыёл тайкыёт тэнмычьыт ңотэнкартинагты, ытръэч тинээрынэт торсюжетные линият. Тэңвыткукинэт прорисовкат ымы эмэйңыкыльинэт фигурат. Ынкэмил, Зоя Серафимовна нычимгъуқин эплыткукыльин.«Гымнан гитэтэ, мэлйииқ эқэлтэтыркын, тринээрңын, алва пэральо трэтэйкыңын», – нивқин ытлён.
Умэкэтыльырыкы, гапалёмтэлен Зоя Серафимовна. Таңпэраңэвысқэтти гэпутурэлинэт поторагруппайпы ЦВК «Этнос».
Презентация галяк, Ымыльорык нэкэлиан диктант қорэмтэйиле ынкъам орвыльыйиле.
Алексей КУРИЛО (Виилыгтыт авторын)
Гэйилыльэтлин Равтыңана
