Грэпкин ылёңэт Якутскак гэченго кэлитъул, ыматгыргын ваамръэляма, мимле йъонэнат нымнымтэ

ИЛКЭН. Концертат ратваңыт вторникык, қликкин ыннэнқав ылёк мимлыръылик городык чама нымнымык Якутияк. Типъэйңэльыт нараяңынат грэпти варатйиле нымытвальыт республикак. Якутскак нэрэгичиңынэт кэлитъул оравэтльагты, микынинэт ярат мимлычыку нэлгъэт. Ныпыңылтэлқэн пресс-служба Эрмэкин ынкъам Правительствакэн Республика Саха (Якутиякэн).

Концерт «Сарсын-сарсын сарсыарда…» ратваа Площадкан Томгыльатгыргык городык Якутскак мынгыткэн қонъачыңқав часык. Нивқинэт энантомгавыльыт, ынкэмил нэрэгичиңынэт кэлитъул танкавңатгырго пылқэтыльыт ярат, вэнратынго оравэтльагты микынинэт ярат мимлычыку гатваленат. Концертак Ылёңэт осуохая ынкъам мытлыңқликкин қликкин мытлыңқав-гээңэтгыпы С.А. Зверева-Кыыл Уола, ратваңыт государственныйкэн вокальныйкэн ансамбль «Туймаада», артистат Государственныйкэн театра эстрадакэн РС (Я) нынныльын Ю.Платонова, Государственныйкэн театра опера чама балета нынныльын Суоруна Омоллоона, студентат Якутскакэн эйңэнэңколледжакэн нынныльын М. Жирковынэн, Якутскакэн колледж культуракэн чама искусства нынныльын А.Макаровын, Союз рытомгавыльыт-грэпти РС (Я), Сунтарскакэн улус кынмал Национальныйкэн театр поторагыргын нынныльын С.Зверева-Кыыл Уола.

Ымы Саха академическакэн театр нынныльын П.А Ойунскакэн мынгыткэн амңырооткэн часык ратваа концерт «Тинтинльэн аңқы», рыныматыңольын симфоническакэн сезон Государственныйкэн филармонии республикакэн нынныльын Г.М. Кривошапко.

Ылёңэт грэпкин республикак рытомгавнэн Эрмэтэ Якутиякэн Айсен Николаевына 2022 гииңитык гытамо лыңык лымңэ авнатыяатка вараткэн грэпкин культуран.

Қыпалёмтэлыркыниткы аудио:

Гэйилыльэтлин Равтыңана