Российскакэнат артистат ынкъам телеведущиет нарарылгыңынат нэнэнэрэкы «Эйгысқықин лымңылтэ»

ИЛКЭН. Майңыаудиопроект «Эйгысқыкин лымңылтэ» компании «Газпром нефть» рыръэлевнин фольклор Эйгысқывараттэ Якутияйпы Мурманскакэн областяйпы: вепсальыт, қаарамкыт, хантовыльыт чама манси, ненцальыт қаагынрэтыльыт ынкъам поморскальыт аңқалейвыльыт. Лыги элгыкыльин пыңылти гэильуткулыльыт ңэвыскэтти, волшебныйкэнат тъэлет, гарынныленат кэйңыт ымы қутти гэқуликэлилинэт российскакэнат артистата чама телеведущиельа. Ныпыңылтэлқэн НТВ.

Тутта Ларсен, телеведущая:«Ытри нычивмықинэт қырымэн алва вальыт, ынанвыткокэнат колё ныпчирқинэт алва вальыт вагыргык, ныгинниңңытықинэт, миңкри ныпаңъэвңытоқэнат, миңкри ыргисгу нытвақэнат».

Палёмтэлык «Эйгысқылымңылтэ» ивыр гаймаңэн аудиосервисык. Ңотэнъэлек гыннэкэты -героевтэ эйгысқыфольклора гаймаңэн рэльуңыткы. Петербургакэн международныйкэн экономическакэн форумык «Газпром нефть» наранкалыровңын мультимедийныйкэнарт-проект «Тыллёпы вальын эллық» – фантазийныйкэн лылепыткун ивыткин вагыргын, ңаргынэн Танңыэйгысқыкин.

Гэйилыльэтлин Равтыңана