Мынгытқлеккэн парол тонн кимитъыт Эйгысқываамъеквэ нэрывлынэт Якутияк
Ыннэнқав зампред Правительствакэн Якутияк Дмитрий Садовников гитэнин кимитъыривлетыльыт умэкэтык заседании комиссияк. Тэнмычьын кимитъыривлетыльинэйгысқынотагты ваамъеквэ 2024 гииңитык вальылқыл 356,7 парол тысяч тонн.
«Ивыр тинэңэңыплыткульыт 327,7 парол тысяч тонн, ңырақ қликкин мынгыткэн парол процента плангыпы. Нэныпкирэтынэт кимитъыт мынгытқлеккэн мынгыткэн ыннэн парол чама ңирэқ тысяч эвылым ңыроқ қликкин процента. Плыткоңок вэты таңың рытчык ваңэёкэн тэнмычьын»—нивқин Дмитрий Садовников пресс-службан эрмэкин чама кабмина регионкэн.
Ытлён гивлин, навигация вээмык Янак колё аңъасгырго гатвален. Ңотэнгээңэтык, қоңыры ымы кытур, ытлён галяркын аңъалеты гидрометеорологическиек мимыл нытъэрылтэтқин чама-ым аңқаэйчгин аңқак. Тэнмычьо мытлыңқлеккэн ңирэқ қликкин мынгыткэн ңырақ парол ынқо ңырақ тысяч тонн тинэңэңыплыткуат кимитъыт мытлыңқлеккэн қликкин мынгыткэн қонъачыңкэн парол ынқо ңырақ тысячат, нэрэтгъэн ңыроққлеккэн мынгыткэн ңыроқ парол чама ңэръамытлыңэн тысяч тонн.
Вээмык Янак ваңэёно нэлгыан приоритетныйкэнат объемтэ рэтык Нижнеянска Усть-Куйгугты, Усть-Янскагты ынқо Крестагты. Вэты ратъёлқылтэ нымнымльэты ынкъам организацияльэты янскийкэнат улусэты Нижнеянскальэпы ңыроққлеккэн ңыроқ парол ынқо ңирэқ тысячат тонн йыңаё, ңирэқ қликкин мынгыткэн қонъачыңкэн парол ынқо ыннанмытлыңэн тысячат тонн Усть-Куйгигты, ыннэн ынқо ыннанмытлыңэн тысячат тонн Усть-Янскагты ынкъам ыннэн ынқо ңырақ қликкин мынгыткэн мытлыңэн парол тысячат тонн Крестогты.
Тингаляк Якутиягты гэрэтлин ыннэн млн ңирэқ қликкин ыннанмытлыңэн парол тысяча тонн йыңаё, ынқэн ңырақ қликкин ңыроқ парол процента тэнмычьын, нэрэтгъэн 897 тысячат тонн эвытлым ңыроқ қликкин мынгыткэн ыннэн парол процента тэнмычьэпы.
Тэнгаляплыткок Якутияк нымгоқэн навигацият мимлыръылик ынқо ныплыткуқин гынунык гытгайъэлгык, эйгысқынотак навигация нымгоқэн вытвытъэлгык ынкъам ныплыткуқин гынунык эйңэйъйилгык эвытлым торымгок гытгайъэлгык.
Виилыгтын Алексея Курило «Колымская правда »
Гэйилыльэтлин Равтыңана
