Сенатор Лыгъоравэтльанотак гэлгылин Якутиян тэнмычьо вэнратгырго ңэандыръыт мықывальыт вараткэнат Россиякэн
Член Комитета Советкэн Федерациякэн ымвараткэн ваңэльын Анна Отке рыръэчеквъи омакатынвык ңырақав Еврозийскакэн ңэандыръыфорумык майңынымык Санкт-Петербургак
Площадкак, ңэандыръык майңаттыляргык традиции ынкъам культуран мықывальыт вараттэ, Анна Отке пыңылтэлгъэ вэнратгырго ңэандыръыт мықывальыт вараттэ Россияк, сайт Советакэн Федерациякэн.
«Вэнратынго ңэандыръыт мықывальыт регионык Эйгысқыкин, Сибири ынкъам Дальнийкэн Востокык уйңэ ыннэн чумгъун подходов. Пынлёт нынчимгъувқинэт федеральныйкэн, региональныйкэн чама муниципальныйкэн уровняк. Амальваң вальыт социально-экономическакэн условият регионкэн вэтгавчемгъок ръомраквыргык гитэтэ региональныйкэнат вагыргыт. Ынкэмил вальылқыл тенденция румэкэвкин мерат вэнратынго ңэандыръыт мықывальыт вараттгыпы кынмал вэнратынго ройъыръыт чама ңэнъыльатгыргын. Кэтэн ңэандыръэпы-ялгытыльын ратараңгъа рэнъюңэвңынин пэнъёлгын. Кэтэм ңэандыръэ гытамо лыңъёлқыл культуран авнантыятка тэлеңкин вагыргын, рыйгулевкы нэнэнэт»,–нивқин Анна Отке.
Сенатор нивқин культурак мықывальыт вараттырык ынан майңываңэё нинэтэйкықин традициияк кэтэм ңэандыръыт – ынан активныйкэнат участницы программак, майңаттылягырго ыппылюбизнесык. Оптытъар программак нывинрэтқин финансово ңэандыръыт мықывальыт вараттырык, мэңин раваңэңыркын чиниткин делом, нымычванго тэлеңкин вагыргын, гынниңыттыгырго, ынныңыттыгырго, қаагынрэтгырго эвытлым тэлеңкинэт ремесла. Вэнратынго господдержкано сенатор нивқин варкыт региональныйкэнат чама федеральныйкэнат грантат.
Анна Отке ымың ныпыңылтэлқэн миңкри нываңэқэнат регионыльыт Россиякэнат, миңкы нываңэқэнат вальыт программат ынкъам гэтэйкылинэт законыт, вэнратынго ңэандыръыт мықывальыт вараттырык, гытамо лыңыльыт ройъыръыт ялгыттрадицият.
Ынңин, Ямалыльыт-Ненцальыт АО варкын «чумовой капитал» –прогромма вэнратынго мыгнананальыт ройъыръыт, ялгытыльыт эллықык. Ынңэн капитал ныйъылқин урэтыльыт эвытлым аймэтъё ейвэл ңыроқав оптытъар нэнэнэт. Набор витльэн парол Қлиқликкин мытлыңқликкин тысяч кэлитъул ынкы ымыльо вальылқыл эллықык нымычвано ярак ымы орвыт.
Якутияк-ым 2016 гээңэтгыпы нываңэқэн закон «Ялгытыльын ройъыръын», ынкэмил варкын программа «Торқаагынрэтыльын», торқаагынрэтыльырыкы ныркурқин кэлитъул яранңакэн эвытлым тараңынго яраңы.
Лыгъоравэтльанотак нэмықэй нывинрэтқинэт ройъыръэты, ялгытыльырыкы кэлитъуле паңъэвңыток. Кытур ынқэн вэнратгыргын ныркурқин пенсионерыльа – ваңэплыткольыт сельхозпредприятияк чама общинак.
Виилыгтын пресс-службан Советкэн Федерациякэн
Гэйилыльэтлин Равтыңана
Также по теме читайте:
