Микынэ нэрэнмэйңэвңынэт пенсия ыннэқав гытгайъэлгык 2024 гээңэтгыпы

Ыннэнқав гытгайъэлгык чивтъэр категорияльыт оравэтльат рэмэйңэтгъэ пенсия. Ныпыңылтэлқэн доцент кафедры общественныйкэн финансов Финансовыйкэн университета Правительствакэн рээн РФ Игорь Балынин, гэкэлилин «Российская газета».

Нивқин эксперт, рэмэйңэтгъэ пенсия вальыт маравкэн, МВД Россиякэн, Росгардии, МЧС Россиякэн, Федеральныйкэн служба безопасности. Ынкэмил, ыттъыёл ынқэн оравэтльагты чит индексацият пенсии нырынмэйңэвңықин 4,5%. Ынқо нэнчимгъугъэн нэрэнмэйңэвңын 5,1%.

Балынина нынкэтъоңатқэн, иңқун ңотэнгээңэтык элек нангырголявынат довольствия вальылқыл пенсионныйкэнат выплатат пенсионерыкы ңотэн категории
ңырақ қликкин мытлыңэн парол ынкъам ңирэқ қликкин ңэръамытлыңэн процентат нангырголявын ңырақ қликкин қонъачыңкэн ынкъам ңырақ қликкин ңыроқэчеты процентат ыттъыёл чит нэрэнмэйңэвңықин 89,32% Ынкэмил, 2012 гээңэтгыпы нъэлгъи ңирэқ қликкин ңырақ процента.

Қээқын нивқин эксперт, ыннэнқав гытгайъэлгык нынмэйңэвқин пенсиян микынэ гэнъэтлин ңырақ қликкин гииңит эйңэйъйилгык, иңқун гытгайъэлгык ыргынан энмэс нэрэйминңын мынгэты ңирэче фиксированныйкэн выплатат страховойкэн пенсиян ынпыоравэтльакэн. Ынқэн выплатат эмқынйилгык ратваңыт амңырооткэн тысяч мытлыңқлеккэн қликкин мынгыткэн ңырақ парол ынкъам ңырақ қликкин амңырооткэн копейкат.

Комак газаявленияма қырымэн калеёлқыл, Соцфондата пэтле нынмэйңэвқин пенсиян. Нынмэйңэвқин пенсият ынпыоравэтльарыкы. Ымы пенсият рытымңывъёт ынанқамэчвавыльыт чама страховойкэн пенсиян эқувикильын.

Ымы иквъи, иңқун эқувикильыт ыннэн группальыт энмэс нэймитқин ңэранфиксированныйкэн выплатат страховойкэн пенсиян эқувикильын.

Ынкэмил, эксперт митъиквъи, иңқун қликкин мынгытъычеты эйңэйъйилгын члены элекин экипажыт риңэкин судов гражданскакэн авиацияльык чама ваңэльыт организацияльыт вылқыпромышленности эвыр вак неучтённыйкэнат данныйтэ вальылқыл пенсияк вэты кэльилқыл заявлениян Соцфондагты.

Вэты кылельылқыл ңотқэнат срокыт ыннэнқав яравычьык 2024 гииңитык ырыкы нэрэркурңын пенсиян скорректированныйкэнат.

Елена Макукиян

Виилыгтын: ЯСИА

Гэйилыльэтлин Равтыңана