Каралыткогыргын ынкъам чипирование қаакэн
Ныпыңылтэлқэнат Минсельхозык Якутияк қаагынрэтыльыт ныкаралыткоқэнат, ымыльэты ңэлвыльык мытлыңқлеккэн ңыроққлеккэн мынгыткэн ңиръэмытлыңэн парол тысячат қаат. Ныкаралыткоқэнат Булунскак, Кобяйскак, Эвено-Бытантайскак, ынкъам Усть-Янскак районык. Қутти улусыт еп нытэнмавқэнат каралыткок плыткумис йилгын эвытлым қолейилгык. Рэплыткуңыт йилгык атъылёкэк.
Нывэтгавқэн эрым отдела традиционныйкэнат отрослей Эйгысқыаграныйкэн ведомства Иннокентий Баланов, ивыр қорагынрэтыльыт ялгытыркыт гытга-льэлеңкинэк эвээнвык. Ваңэльыт ныюнрықинэт қаат забоеты чама инэнмэлевыльа ныгитэқинэт ваңэльыт, ынкэмил қааинэнмэлевыльыт нытэйкықинэт чиниткинэт мероприятият. Қынур пэнин каралыткок нывинрэтқинэт нымнымкинэт эрмэт комиссият рылгык қаат, етгъат агиткультбригада.
Ңотэнгииңитык гытган омэты гатвален, ынқэната каралыткогыргын нъэлгъи титэ ылетгъи. Бригадат ялгытыркыт, ңэлвылти мэчынкы.
Ымыльэты регионык, ыттъыёл нивмури нываңэқэнат мытлыңқлеккэн мынгыткэн ңырақ парол қаахозяйстват, гынунык гытгайъэлгык нытвақэнат мытлыңқлеккэн ңыроққлеккэн мынгыткэн ңиръэмытлыңэн ынкъам ыннанмытлыңэн парол тысяч қаат. Гырокы деловой қэуюкин рыколыровнэн ңирэқ қликкин амңырооткэн процентат (гыръоат қликкин мынгыткэн ңэръамытлыңэн ынкъам ңырақ парол тысяч қэуют), мыкың кытуркин
Приказа Минсельхозык РФ ынкъам закона қаанмалявылевык плыткук льоргықай 2025 гииңитык нырачипированңынат ымыльо қаат. Ыттъыёл ынңин вальыт ваңэёт гэтэйкылинэт янрахозяйствак. Ынкы томгатгъат икутьэр пынлёт, специалистат нивқинэт пынлёгти татлыңгыргын варкыт.
Соб.инф
Гэйилыльэтлин Рагтыңана
