Константин Роббек вэтгаво лыгнин чемгъогыргын авыннымытвальэн Эйгысқывараткэн Якутияк

ИЛКЭН. Эрым авыннымытвальэн Эйгысқывараткэн Якутиякэн қликкин ңирэқав гытгайъэлгык вэтгаво лыгнин пленарныек умэкэтынвык Государственныйкэн Собранияк (Ил Тумэн) РС (Я).

Константин Роббек гивлин, Республика Саха (Якутия) ныянотқэн законодательствак правак авыннымытвальык варатэн. Варкыт проблемат, вэтгаво рытчык рэвинрэнңыт федеральныйкэн уровняк. Нечётныйкэнат правило эймитык социальныйкэн пенсият, проблемат гынниңңиттыгыргыкэн ынкъам ынниңңыттыгыргыкэн, авыннымытвальэн вараткэн. Ынкэмил нымытвальыт варатэ взаимодействиякэнат гапромышленныйкэн компанията, уйңэ законодательства. Тэнмычьо гивлин проект рытомгатъё кластера Томпонскийкэн районык ынкъам тайкыё пылвынтыръэт Иркутский областяйпы, ръэт ратъаа айвалыңқач районык Якутияк. Нымытвальыт рэмкыт ынқэн эйгулеткэ. Икутъэр элгытыльыт общинат нэймитгъэн уведомленият вальылқыл проект пылвынтыръэткин. Роббек гивлин, вэтгаво лыңкы проект ялгытобщинат рээн, ынкы вальыт рэмкыт рээн чама қутти. Государственныйкэн Собранияк (Ил Тумэн) Республикакэн Саха (Якутиякэн) навалёмгъан доклад.

Гэйилыльэтлин Рагтыңана