Нымнымык Андрюшкинык гатвален Ылёңэт рытомгавъё Комсомол

ИЛКЭН. Музеек культурно-историческийкэн центра (МКУФЦ) нымнымык Андрюшкино (Нижнеколымскакэн районык) қликкин қонъачыңқав гытгайъэлгык, рытомгавъё Комсомол, льуулгыат вулқычвик «Комсомол, гыыт чумгъук гымнинэк». Мероприятияк етгъат ветерантэ комсомола: секретарь партийныйкэн организации Дарья Николаевна Курилова отличник вараткэн просвещения РФ, ветеран инэныйгулевыльын ваңэкэн Татьяна Даниловна Третьякова.

Ыргынан нэрэтгъан комсомольские билетыт, мачёк гайпыленат комсомольские значки. Ытри гапыңылтэленат миңкри гаваңэленат торъоравэтльано вама, ынкы вагыргын таңың нынъэлқин.Типъэйңэльин екутыльыйиле ветеран комсомола Марта Яковлева.

Эрым МКУФЦ Анигина Слепцова тинэнқитпыңнинэт рэмкыльыт гапраздникылгав йылнинэт подаркат, нэнэнэрык-ым чачачьыт.

Ңиныльэ лыги нэтчыан майңыармалтатгыргын комсомольа ынкъам ыргин вклад историян ВЛКСМ. Плыткуи льолгыргын тинэнқитпың чама кагынпэгчатковырга.

Ақочеткынка минутата авнантыятка рэмкыт уйңэ нъэлыльыт нымнымльэт-ваңэльыт, ытри қонпы рапэлянңыт чимгъучыку, лиңчыку.

Алексадран Никаноровын, общ.корр
н. Адрюшкино

Гэйилыльэтлин Рагтыңана