Экспедициян «Гынрыру лыңыльыт тайңыквын Арруу»

ИЛКЭН. Кыткытык ңотэнгииңитык Нижнеколымскак районык гатвален выткукин экспедициян нынныльын «Гынрыру лыңыльыт тайңыквын Арруу» (аруу — йилиил орвыльэн). Ынкы гатваленат журналист мургин газета Ирина Курилова ынкъам председатель Советкэн ынпыоравэтльэн орвыльырамкэн, типъэйңэльын чама эйңэнэңэткульын Макар Курилов.

Авынвальын проектакэн – гэченго аудио чама видеоматериалтэ авыннымытвальык Эйгысқывараткэн йилык: чувчеңин, қорэмтэльэн ынкъам орвыльэн.

Проект рытомгатъё рэқулымңэ винрэтыльыт АК «Алроса».

Макар Семенович Курилов иквъи чемгъогыргын ынңэн проектагты:

Мургин проект қырымэн научный, қырымэн рычичьэвыткульын, гичиткульын, қынур уунъыт, кинмыт, въаглыңын мурык эллықэпы, утчыкукин чама ңэйкин. Гэчегыргын выръэтыльыт, нычымдиқинэт оонъымкын. Ийам ынңин, тури рэчичевңытык қыгитэвыткы видео-материал. Киткит мынчичивэтгъэн вэтгава ыннэн оравэтльата роликгыпы: «Йилиил майңывараткэн руркынин йилиил мықывараткэн. Рыпэт чиниткин лыги вальын йилиил, гэмо вэтгавык нынпықин қолевараткэн вэтгав». Гивэ ңотқэн вэтгав томгъатгъэ ынңин вальын рытэнмаквыргын

Гэчеё материал наранкалыровңын мургин порталык. Тумгыт проектакэнат нымысвынатқэнат пэнинэмилю рытык йилыт ынкъам культуран наследиян авыннымытвальэн Эйгысқывараткэн ыттъыёлягты рамкэты.

Гэйилыльэтлин Рагтыңана