Чрезвычайныйкэн ситуациян Оленёкскиек районык Якутияк етгъат ылвылют

Оленёкскиек районык Республикак Саха (Якутия) етгъат ылвылют Таймырскакэн популяциян. Ңэлвыльыт муниципальныйкэн унитарный предприятий (МУП) «Оленёкский» бригадат №1, №2, №3 ынкъам №5 нытвақэнат ръэтык ылвылюңалвылякы, ынқэната гаймаңэн раяалянңыт ылвылю рээн.

Вэнратынго қликкин қонъачыңқав гытгайъэлгык авиациялық авиакомпания «Алроса». Ыргынан нараёпанңынат нутэнут чама нэрэнльэтынңынэт қаагынрэтыльыт гаоборудованиема гинритык ңэвыльыт.

Гынритык ярақаат ылвылюйпы гэквэтлинэт бригадат қаагынрэтыльыт, вальыт нымнымык отпускаткольыт, ңотэн нутэк вальыт гынниңңиттыльыт. Ырык ымыльо варкыт иңқун агтатык ылвылюңэлвыл.

Эрым районкэн Лена Иванова гэйилытрилелин нымытвальырыкы қывалёмырынкынэткы пыңыл чама эрмэкинэт инструкцият.

Вэтгаво нылгықин, пъултыльыт миграционыйкэн ръэтъеквэ ылвылю эллықык тъэркин авээн. Выткукин ынкэн торобъектан гэулятынго, йам гынникыт пъултыэт пэнинръэтъеквэпы.

Режим чрезвычайныйкэн ситуациян Оленёкскиек районык қаақын варкын. Эрмэтэ ынкъам специалистата гынрыру нылгықин ситуациян ыттъыёлягты.

Ирина Курилова

Гэйилыльэтлин Рагтыңана