Ръэнут нэнанкъэтъоңатқэн пэтыштамп

Ынңытэқ редакциягты «Колымская правда» рылгъэ Алексей Кравченко. Ынан рыкалыровнэнат открыткат чама конвертат гапечатма стациякэн «Северный полюс», эйгысқыстанция илирык Четырёхстолбовой ынкъам қутти.

– Гымнин ытлыгын Василий Афанасьевич гаваңэлен бортрадистано Ли-2, Ил-14, нымкыче гатвален эйгысқыстанцияк, дрейфующий станцияк «Северный полюс» гаваңэлен тинразведкак. Ынан нинэрэтқинэт конвертат гапечатма. Ынңытэқ нинэюнривым эвиръыт, ынкъам тыльуан – ныпыңылтэлқэн Алексей.

Мынээргъэн, советское вама Эйгысқык нымкықин полярный станцият гатваленат, ытри гатваленат илирык, ымы Нижнеколымскак районык. Гаваңэленат научно-исследовательскиек дрейфующий станцияк «Северный полюс». Ынкы ваңэат специалистат икумиңри вальыт специальностят. Амқынъычо ваңэёно нылгықинэт метеорологическакэн, геомагнитныйкэн, геофизическакэн, гидрологическакэн исследованият. Станциягты гэриңэмъетлин Колымо-Индигирскийкэн чеэкэкин авиаотряд.

Станцияк гатваленат печаттэ чама конверт гаштемпельма СП эвыр эйгысқыстанция ынңин вальын, чемгъук нымкықин оравэтльак гатвален. Ынқэн рииткук нымэйыңқин, қырымэн ыяа вальын, гитэтэ вальын.

Нэнэну вама, гэулянма калеткорак гэлейвигым радиокружок, инэныйгулевыльэ гитлин инженер КИОАО Михаил Филиппов. Мури паяли нучныгиқинэт схемат – приёмника, мультивибратора, нинэгитэмури, миңкри ынпычьыт тумгыт нықрачетқэнат радиолюбительскиек. Пэнин лейвыльын бортрадист Иван Иванович Жуков. Ныпыңылтэлқэн миңкри гэриңэмъетлин Эйгысқыаңқайңык гыргоча, станциягты «Северный полюс».

Ыңқэн гымыкы нанкэтъоңатгъан печаттэ.

Алексей КУРИЛО (Виилыгтыт авторинэн)

Гэйилыльэтлин Рагтыңана