Ръэнут ынқэн «Яракэн капитал»?
Ынңытэқ моргынан гэкэлемури правительственнок часык гамголен закон республикакэн «Ялгытыльын ройыръын», ивыльын якутскакэн парламентак ңыроқав атъылёкэк. Ынкы тэнмычьо государственныйкэн вэнратгырго ялгытыльыт ройыръэты ганкалыровлен ямальскакэн «Чумовой капитал». Мынгитээн, ръэнут ынқэн.
Губернатор округкэн Дмитрий Артюхов рымгоңанэн «Яракэн капитал» 2021 гииңитык вэнратгырго ялгытыльыт торъройръыт. Ынңин вальыт 310 ройыръыт нэймитгъэн чиниткинэт ярат. Қулиникэк қаақын нэрэйылгынэт мытлыңқликкин қликкин мынгыткэн мытлыңқав парол ройыръэты.
Нивқинэт, ыннэнқав ынпылювлек 2025 гээңэтгыпы правила йылынго «яракэн капитал» алва рэнъэлңыт: торъройръыт ялгытыльыт гаймаңэн нэрэйминңынэт урэтык ңирэқэв нэнэны, эккэну, ңээккэну пирик эйвэл, ңыроқав нэнэны, гатвален ыттъыёл.
Максим и Дарья Тэсида являются потомственными оленеводами, работают в «СПК Тазовский» и воспитывают троих детей.
«Хорошая мера поддержки и большая помощь для тундровиков. В комплекте есть все необходимое. У нас был только летний чум, теперь будет и зимний комплект», — поделилась впечатлениями Дарья Тэсида.
Фото: Роман Ищенко, «КП Ямал».Ямалык нывинрэтқинэт ялгытыльыт ройыръык государствата чама чиниткин эрмэкинэт органат нывинрэтқинэт авыннымытвальэн варат. Энмэн ңирэқ қликкин мынгыткэн парол вэнратынго. Парол «яракэн капитал »: эмқынъйилгыкин пособиян, энаръё кэлитъул виливык қоратэкисгын, кимитъыт чама қутти яаёлқылтэ эллықык вагыргыкэнат, кэлитъул таңвагырго яраусловият ынкъам қутти.
«Яракэн капитал» выткукин. Ныйылқин ытръэч Ямалык. Мыкычьу ңырақ қликкин мынгыткэн содержимого нытэйкықинэт чинитмынга чиниткинэт предприятият, общинат, тэминңыоравэтльата ынкъам предпринимательат.
Яаёлқылтэ эллықык қаагынрэтыльырыкы нытэйкықинэт чинитырыкы нымъоравэтльата, нывинрэтқинэт ырыкы ваңэк чама кэлитъолеты ваңэк. Ынңин антыяатка чиниткин ремёсла. Тэнмычьын, нэнанватқэнат нэлгыт, нытэйкықинэт утъымыт, орвыт. Ямалык нымкықинэт тэминңыоравэтльат мытлыңқлеккэн қликкин мынгытқав парол нытэйкықинэт утъымыт, орвыт.
Аят Сатаров
Гэйилыльэтлин Рагтыңана
