Рыкалыроквыргын «Дуннэдув» нъэйңэвқин гитэк

Мынгыткэн ңирэқэв атъылёкык – Ылёңэт Ассоциациякэн авыннымытвальэн мықывальыт вараттэ Эйгысқыкин Республикакэн Саха (Якутия). Якутскак гамголен мероприятиян, посвященныйкэн қликкин мынгыткэн мытлыңқав парол гииңит рытомгавъё Эвено-Бытантайскакэн национальныйкэн улуса ынкъам қликкин мытлыңқав парол гииңит газетан «Илкэн» Ынңытэқ гэплыткулин съезд қорэмтэльэн Россиякэн, игыр ваңоңоэ Якутиякэн қорэмтэльэн съезд.

Ңотэнсобытиягты гамголен Ңыроқав Республикакэн выставкан тэминңыльин авыннымытвальэн мықывальыт вараттэ Эйгысқыкин «Дуннэдув».

Выставкак гаваңэленат ңирэқ қликкин мынгыткэн мытлыңқав парол тэминңыъоравэтльат мынгыткэн ңырақ парол районгыпы, Якутскайпы, Хабаровскакэн чама Камчаткакэн краёв. Эрым ценракэн «Симэх» Яна Игнатьева нивқин ымыльо таңваңэёт гэтэминңэлинэт эйгысқываңэльыт, ыргинэт ваңэёт нанкалыровқэнат рыкалыроквыргык мероприятияк, ынкэмил шествияк чинитъэвиръэ мытлыңқав льоргықайык ынкы Ылёңэт вараткэн тэминңыльырыкы Якутиякэн.

Яна Игнатьева йилнин сертификат стипендияльын Эрмэкин Республикакэн Саха (Якутия) вараткэн тэминңыльын РС (Я) Надеждана Колодезникова.

Ынан йылнин удостоверениян чама знак « Тэминңыльын вараткэн художественных промыслов РС (Я) мургин коллеган Любови Деминой.

Яна Игнатьева йилнин приветстевенный адрес ынкъам кавэё редактор газетан «Илкэн» Андрейына Исаковына, эрмэкин Эвено-Бытантайскакэн районэты Иннокентий Стручковына ынкъам президенту Ассоциациякэн КМНС Якутиякэн Константинына Роббек.

Константин Роббек гивлин иңқун мургинэт тэминңыльыт вэймэну нылгықинэт традицият ынкъам нанкалыровқэнат таңъобразцат вараткэнат промыслат. Ынкэмил нивқин рыкалыровъё предметат быта чама эвиръыт эвыр игыр рываңэтык ынкъам йыпык эвиръыт.

Рыкалыроквыргын наранкалыровынңынат ңыроқ ылёңэт, қыгитэвыткы Эйгысқыкин ынанвыткукин культуран авыннымытвальэн вараттэ қыгитэгэткы экспонаттэ.

Аят Сатаров

Гэйилыльэтлин Рагтыңана