Алексей Чекунков: «Программа Дальневосточныйкэн ынкъам арктическакэн гектар» нэймитгъэн мытлыңқлеккэн ңирэқ қликкин мытлыңқав парол тысяч оравэтльат»
Игыр государственныйкэн программак «Арктическакэн гектар» нъэлгъэт 9714 оравэтльат.Торымгольын гииңит 2024 нутэскын гэймитлинэт ңирэқ тысяч оравэтльат. Ымыльэты нутэнусқын участкат, нэйылгьэн торымгокэн гииңитык, – 1427 гектартэ, нивқин ТАСС ссылката пресс-службагты Минвостокразвития.
Регионык Эйгысқық 600 парол оравэтлъат нэймитгъэн чиниткин нутэскын эвытлым арендата.
Ымыльэты площадь ынңин вальыт участкат – мытлыңқлеккэн ңыроқ қликкин ыннанмытлыңэн парол гектартэ. Мыкычьу нутэсқын нэймитқинэт тараңынго яраңы (ңыроқ қликкин мынгыткэн ңыроқ парол процентат) чама сельский хозяйствота (мынгыткэн процентат).
Эрым Минвостокразвития Алексей Чекунков гивлин, программата «Дальневосточныйкэн чама арктическакэн гектар» нэймитгъэн мытлыңқлеккэн ңирэқ қликкин мытлыңэн парол оравэтльат.
Программа «Дальневосточныйкэн гектар» раваңэңоа 2016 гээңэтгыпы. 2021 гээңэтгыпы нъэлгъи Эйгысқыноток зонак РФ элвэльинэт эйгысқынотагты территорияк. Ңотэн программата оравэтльата гаймаңэн нэрэйминңын нутэсқын эвилкэ ваңэнго хозяйствата, эвытлым тараңынво чама торымгок туризмата.
Андо Соктоев
Виилыгтыт: официальныйкэн портал Республикакэн Бурятыльэн
Гэйилыльэтлин Рагтыңана
