Мыгнэнэнэльын ройыръын Захаровын Якутияйпы янотгъат Всероссийскакэн конкурсак «Гымнин ялгытыльын ройыръын»

Якутияк конкурсак «Гымнин ялгытыльын ройыръын» гатваленат мыгнэнэнэльыт ройыръыт Юлии чама Николай Громовынти, Елены чама Василия Соловьёвынтэ нымнымгыпы Улахан Чистай Момскакэн улусгыпы, Туйара Колесова чама Алексей Юмшановын нымнымгыпы Батагай-Алыта Эвено-Бытантайскакэн национальныйкэн улусгыпы, Наталья ынкъам Степан Захаровынтэ нымнымгыпы Себян-Кюель Кобяйскакэн улусгыпы.

Ройръын Захаровынтэ янотгъат номинацияк «Традициян, культуран ынкъам йилиил ялгыткэн вагыргын, творческакэн самовыражениян». Номинацияк «Интеграциян пэнинэмилю рытык культуран калеткорапроцесс «Традицият чама обычаи гуилетгыргык» Евдокия Соловьева, инэныйгулевыльын қорэмтэйиликин чама литературакэн Момскийкэн улусгыпы, нъэлгъи лауреат.

Ырыкы тинэнқитпыңыркын эрым Якутиякэн Айсен Николаев, тинэнқитпың вклад вэймэну нылгықинэт национальныйкэн культуран.

«Тытэнқитпыңыркын мургинэт ялгытыльыт ройыръыт янотыльыт. Нивигым майңывэлынкықун вкладэты пэнинэмилю рытык культуран ынкъам вагыргын мыкывальыкэн Эйгысқываратэкэн. Якутиян ныкоргавқэн», – гэкэлилин чиниткин телеграм-каналык Айсен Николаевына.

Мынынкэтъоңатын, президент РФ Владимир Путин гивлин Правительства ынңэ антыяатка гэулятынго йилыт Эйгысқывараткэнат, Сибиркэн ынкъам Дальний Востокэн, пытқыивлин лыгэвальын государственныйкэн инициатив ңотэнгэулятынвык. Ңотқэн мероприятиян лыги рытчык гэулятынго чиниткинэт йилыт.

Конкурс галяэ ръалё вальын форматык: заочныйкэн, онлайн площадкак энантомгавыльырык чама очно Москвак ынкъам таңпалёмтэлергырго таңгынратынго культуракэн ынқо йилыт авыннымытвальэн вараттэ Россиякэнат, ынкэмил пэнинэмилю рытчык тэлеңкин вагыргын. Энантомгавыльо гатвален ООО «Национальныйкэн родительскакэн ассоциациян социальныйкэн винрэтыльын ройыръэты ынкъам вэрэңырго ройыръыкэн ценностят».

UlusMedia

Гэйилыльэтлин Рагтыңана