Пэтле Торгииңит! Қырылкынитки атъылёкэк номерык газетак «Илкэн»

Таңылеңэт, инэрылгатыльыт, нутэтумгытури.

Нэтэйкыэн тугииңиткин атъылёкэн номер республиканскакэн газета «Илкэн» ГАУ РС (Я) «Сахапечать».

Мынынкэтъоңатын, нынны гантомгавлен қаавараткэн вэтгава «знак», «затесь» оттылгык. Ыннэнқав номер республиканскакэн уровняк ңытогьэ 1999 гииңитык, морыкы қликкин мытлыңқав парол гииңит.

Ңотэнйилгык гагалялен мероприятиян вагыргык авыннымытвальэн мықывальыт вараттэ Эйгысқыкин Якутияк. Галяэ съезд қорэмтэльэн Россиякэн ынкъам республикакэн, Ассоциациякэн КМНС РС (Я) ымы қутти отметили қликкин мынгыткэн мытлыңқав парол гииңит. Ынан вэтгаво мытрэлгыңынэт.

Нэнатылёпқэн газетан (стр.3-4) пыңыл, эвыр торгынан лыги рэлгыңыткы рекордат нъэлльэт Таймырык тэйкык қитықит, миңкри нываңэқэнат энэнмэлевыльыт эръэткэ нутэк мургин регионык, инвестиционныйкэн рейтинг эйгысқыкин регионык ымы қутти пыңылтэ.

Ынкэмил, ымыльэты вес ыннычачароолқыл Дудинкак нъэлгъи 308,8 кг., ынкы гатваленат 650 кг қитыльын ыннықэй, ңыроқ қликкин кг лук, қликкин ыннэн ыпалгын, парол ңыроқ увьэлы перец чама чол. Чит янотыльын рекорд гатвален якутиякэн – мынгытқлеккэн ңырақ қликкин амңырооткэн ынкъам ыннанмытлыңэн кг 500 кг ыннэпы омуль. Материал рытэмавнэн Андо Соктоев.

Ыннанмытлыңқав съезд қорэмтэльэн ымы делегатыльыт субъектов РФ, миңкы нынымытвақэнат ытри (қликкин парол тысяч оравэтльат), инэнлельу нэюнрыэн Президент Ассоциациякэн Анатолий Слепцов, лыги вальын ученый чама эксперта Эйгысқыкин СВФУ нынныльын М.К. Аммосовын. Гичивпыңылтэл отчет пленарныек заседанияк қырылгыркынитки стр. 4 (пыңылтэлгъэ Валентин Викторов).

Умэкэтынвык қаарамкыкэн чивтъэр гатваленат мероприятият, йилыкин, культуракэн, образованиякэн, плыткуэт традиционныйкэнат отраслями эйгысқыкинэт. Материал рэльуңыткы стр ңыроқ рымагтэты мынгыткэн ңыроқ парол.

Нынныльын «Қорэмтэльыт Якутиякэнат нъатчақэнат алва вальын вагыргын» қырылгыркынитки съездак регионык. Ымыльо нытэйкықинэт майңаттылягырго Эйгысқыноток ынкэмил авыннымытвальырыкы гамгота нывинрэтқинэт российскакэн, республикакэн ынкъам районныйкэнат эрмэт, депутатыльыт, активистат Ассоциациякэн КМНС чама Союз қорэмтэльэт республикакэн. Чивтъэр тайкынго, ыттъыёлягты тайкынго қаақын мыкың.

Ынңытэқ Эр-Риадак, Саудавской Аравияк, галяэ конференциян ООН опустыниванием нутэсқын. Ныкэличитқин Ирина Курилова,«ынанитог авыннымытвальыт вараттэ ынаны вальыт участникыт процессык, янра организацияйпы гражданского общества, ытри гатвата вараттэ, қырымэн организацино. Ивыр ыргин право вэтгавкы кокуса (умэкэтынвык) авыннымытвальыт вараттэ мира, ыргин кулиқул нэрмэлтэқин ымыльорык нывалёмқэнат» (стр.7).

История ңотэнылёкэн Ассоциациякэн КМНС Якутиякэн, ңотэнгииңитык қликкин мынгыткэн мытлыңқав гииңит, вэтгаво чама иргин чимгъун умэтынвык, вэтгаво эмблема авторитетной организации, қыгэтывыткы стр.8-9. Торыкы пэгтиңу репортаж праздникык қитыннықэй Ярак томгыльатгыргыкэн вараттэ нынныльын А.Е. Кулаковскиек (стр. 16).

Страницак мынгыткэн ңирэқ чама мынгыткэн ңыроқ моргынан рытэнмыгыргын қорагынрэтыльыт Якутиякэн Лыгъоравэтльанотайпы, нинэкэлимури вальын закон ялгытыльын ройыръык республикак. Материал инэрынтэтгъат пыңылтэля, миңкри қаагынрэтыльырыкы Лыгъоравэтльанотак нэймитыркын нымкықин кэлитъул нананагты эллықык вальыт ынкъам «Яракэн капитал» Ямалык (автор Валентин Андреев чама Аят Сатаров). Ынкэмил Лыгъоравэтльанотанот ынкъам Ямало-Ненецкий АО нъэлгъэт янотыльыт эйгысқырегионгыпы инвестиционному рейтинг (стр.3).

Нэтэйкыэн фундаментальныйкэн ваңэё Виктора Николаевича Васильева «Тунгусы Алдано-Майского ынкъам Аяно-Охотского районтэ» калеё мынга атчаэ сто гииңит (стр.10).

Моргынан нинэкэлимури обращение КМНС, Сибири чама Дальний Востокэн РФ (И.Е. Спиридонова) армагты Федеральныйкэн агентства делам национальнастей (ФАДН России) И.В.Баринову делам гынниңыттыльыт-қаарамкыт (стр.14).

Қывыписывайте чама қырылгыркынитки «Илкэн». Подписка сайтак подписки Почта России чама ямга почтовом отделении, гаймаңэн Ярак печати.

Ынкэмил қылыркытик ынкъам қылыркытик морыкы порталык.

Валентин ХОТУ

Гэйилыльэтлин Рагтыңана