Нантомгаквъан игыткин долганскакэн букварь
Сферак культурак ынкъам инэныйгулевыльык Эйгысқык Россияк етгъи пыңыл: нантомгаквъан энээрыльын букварь долганскакэн йилиил, современныйкэн инэныйгулевыльын чиниткин йиле, ныпыңылтэлқэн Таймырскакэн Яраңы вараткэн творчества. Ынантомгавыльын – Анна Алексеевна Барболина.
Презентациян учебника гэтэйкылин Ымвараткэн мынгыткэн гээңэтэты чиниткин йилыкин чама қликкин мынгыткэн мытлыңқав гииңит Ассоциациякэн авыннымытвальэн мықывальыт вараттэ Таймыра. Ынкы гатваленат оравэтльат инэныйгулевыльыт ынкъам культуракэн учреждений, нымытвальыт Таймырскакэн районык ынкэкинэт эрмэт. Ытри нинэнқитпыңқинэт оравэтльат мероприятияк.
Винрэтыльын эрмэкин издательскакэн ваңэёкэн информационно-методискакэн центра С.Н. Жовницкая ныпыңылтэлқэн структуракэн учебника, инэныйгулевыльын-ым А.В. Федина нивқин ынанвальын инэныйгулевыльырыкы ынкъам майңаттылягырго нэнэнэт.
Ынантомгав учебника ыттъыёлягты гытамо лыңгыргын, тылямайңатгырго долганскакэн йилиил, ымыльо нанкалыровын ваймаңгыргын чиниткин йилеты ынкъам культуран, чама вэнратынго инэныйгулевыльыт учреждений.
Андо Соктоев
Виилыгтыт Таймырскакэн Яраңы вараткэн творчества
Гэйилыльэтлин Рагтыңана
