Книгат варатэн рытыяатвальыт йилыкин нэрэтэйкыңынэт Россияк

Якутскак филиалык Института чиниткинэт йилыт вараткэн РФ нэрэтэйкыңынэт учебникыт тофаларов, челканцев, қаарамкэн чама нанайцальыт.

Эрым филиала Наталья Ситникова ныпыңылтэлқэн, вэтгаво гэлгылин томгаттылягырго мықынэнэнэльыт калеткорак тофаральыт, челканцев чама қорэмтэльэн, ынкэмил мыкычьувальын калеткорат нанайскакэн йилиил.

2024 гииңитык ваңэльыт института нэтэйкыэн пособиян гынрыру лыңык нэнэнэт, ялгытыльыт эллықык, утчыку. Натааңгъан Амурский областяк, Ненецскак, Ханты-Мансийскак, Лыгъоравэтльанотак, Ямало-Ненецкий автономныек округах, чама-ым Якутияк.

Тафалартэ – ынкэн тюркскакэн варат Иркутскакэн областяк. Ытри ңэръамытлыңын сто оравэтльат, ытръэч ңырақ қликкин мынгыткэн ңирэқ парол нэвэтгавқэнат чинитйиле.

Челканцы – ынкэн тюркскакэн варат Алтаек. Ытри ыннэн тысяч мынгытқлеккэн мытлыңқлеккэн парол оравэтльат, ырык уйңэ кэличитвэтгав, йилык варкыт звукыт, уйңэ алтайскакэн йилык. Ынқата ырык уйңэ учебникыт ынкъам книгат.

Нанайцальыт Россияк мынгыткэн ыннэн парол тысяч ыннанмытлыңэн сто оравэтльат, нывэтгавқэнат танңыйиле. Ытръэч ыннэн тысяч мытлыңэн сто оравэтльат нэвэтгавқэнат нанайскакэн йиле.

Қорэмтэйиликин киткит таңыңвальын положение. Титэ гатвален перепись нымытвальэн 2021 гииңитык, Россияк ганымытваленат ңирэқ қликкин тысяч қаарамкыт, исследовательат нивқинэт, лыги йилиил амңырооткэн процентат.

Гэйилыльэтлин Рагтыңана