Ветераннар бааллара

Ааспыт нэдиэлэгэ, ол эбэтэр тохсунньу ый 2 күнүгэр «Алмаас» култуура центрыгар Ытык Мааны ага һаастаах дьоӈӈо бырааһынньык буолан ааста.

Бу киэһэ мустубут ветераннары итии чэйдээк, һылаас астаак, развлекательнай программалах, ырыа — тойук бырааЬынньыктаагы «Бал ветеранов» буолла. Тэрээһин торжественнай чаастан һагаланна, нэһилиэк Баһылыгын солбуйааччыта Туяра Андреевна Туприна ытык кырдьагастары кэлбит Һаӈа дьылынан эгэрдэлээтэ уонна 70 һаастарын туолбут үбүлүөйдээхтэргэ эгэрдэ һуруктары уонна һэмэй бэлэктэри туттартаата. Бэтэрээннэри ыраак тымныы муора дойдуттан эгэрдэлии кэллилэр Тымныы огонньор уонна кини һиэнэ Каарчаана.

Аныгы ветераннар дьиэ — кэргэн эрэ интириэһигэр олорор буолбакка, гинилэр бу һаастарыгар диэри үлэлии камныы һылдьаллар, актыыбнай ологу тутуһаллар, община тэрээһиннэригэр көхтөөхтүк кытталлар. Бырааһынньык программата араас куонкурустан уонна оонньуулартан турда. Кырдьагастар бары көрүҥҥэ көхтөөхтүк кыттыыны ыллылар. Һаӈа дьыл бастын бэлиэтэ күөх харыйа тула бырааһынньыктаагы остуолга олорон ветераннарбыт оголор, ыччаттар, кэнсиэртэрин көрөн, көрдөөх ооньууларга кыттыһан үөрэн көтөн, үөлээннээхтэрин кытта ирэ хоро кэпсэтэн, эдэр саастарын доготторун ортолоругар умнуллубат түгэннэри ыллылар. Маны таһынан нэһилилиэк администрацията тэрийбит лотереялара ыытылынна. Бу дьоро күнү ытык ветераннарбыт күлэн-үөрэн, оонньоон-көрүлээн бириэмэни һэргэхтик атаардылар, астынан таргастылар. Дьоро киэһээ түмүгэр агам һаастаахтар эдэрдии үнкүүлээн битийдилэр, тогуһуонус сыллардаах музыкага үӈкүүлээн уйдаран эргийэн тэлээрдилэр. Тэрээһини тэрийбиттэргэ барга махталларын тиэртилэр.

Владимир Большаков