Өлөөн улууһун Дьэлиндэ нэһилиэгэр

Өлөөн улууһун Дьэлиндэ нэһилиэгэр

«Дьэлиӈдэ Күөрэгэйэ» диэн һака Республикатын культуратын туйгуна, Дьэлиндэ чагылкай һулуһа Василий Яковлевич Анисимов һырдык аатын үйэтитэр һоруктаак Өлөөн улууһун үһүс төгүллээк ырыа күрэгэ буолан ааста.

Күрэс икки туурдаак ааста: бастаан Василий Яковлевич ыллыы һылдьыбыт репертуарыттан ырыа талан толоруу уонна ырыаһыт бэйэтэ талбыт ырыатын ыллаабыта. Уопсайа күрэскэ 22 ырыаһыт кытынна. Анаабыр улууһуттан күрэскэ 6 киһи кыттыбыта.

Бу конкурска һыанага һаӈа ыллаабыт ырыаһыттар эмиэ бааллар эбит. Күрэс олус долгутуулаак этэ, каннык да республиканскай күрэктэртэн каалсыбат үрдүк тэрээһиннээктик ааста.

Олус үчүгэй һыаналаак призтары туруорбуттара һөктөрөр, ол көрдук улакан телевизор, икки автомат стиральнай машина, робот пылесос, иистэнэр массыыналар, электрическай эрбии, мультиварка, микроволновка уонна да араас призтар. 22 кыттааччыга барыларыгар тигистэ, ону таһынан биирдиилээн дьон эмиэ һөбүлээбит ырыаһыттарыгар туспа бэлэк бөгө туттардылар.

Күрэк түмүгүнэн жюри маннык быһаарда:
Гран При — Үрүӈ Хайа эдэр кэскиллээк ырыаһыта Константин Спиридонов, 1 степеннээк Лауреат аатын ылла эмиэ Үрүӈ Хайа олохтоого Надежда Туприна, 2 степеннээх Лауреат Дьэлиндэ эдэр ыччата Семен Николаев, 3 степеннээх Лауреат Үрүҥ Хайа олохтоого Гаврил Спиридонов, 1 степеннээх Дипломант Өлөөн улууһун ыччата Юрий Ефимов, 2 степеннээх Дипломант Дьэлиндэ ыччата Семен Николаев, 3 степеннээх Дипломант Өлөөн ыччата Айлен Васильев буоллулар. Саскылаактан Николай Жарков — Чуор куолас номинация каһаайына буолта.

Өссө да маннык үрдүк таһымнаак күрэктэр өссө да буола туруоктара диэн эрэбил баар.

Владимир Большаков