Константин Роббек Якутия агыйак аксааннаак котугу норуоттар һүрүн проблемаларын бэлиэтээтэ

ИЛКЭН. Агыйак аксааннаак коту норуоттар бырааптарын көмүскүүр Уполномоченнай буус тоҥор 22 күнүгэр Ил Түмэн Государственнай мунньагар кытынна.

Константин Роббек бэлиэтиир, Һака Республиката олоктоок төрүт омуктар бырааптарын туһунан һокуоннары таһаарарга бастыҥ. Ол гынан баран, федеральнай уровеньҥа быһаарыллар проблемалар бааллар. Колобур, социальнай пенсияны ыларга һөбө һуок быраабылалар, бултаныы онуга балыктаныы проблемалара, төрүт олоктооктор олорор һирдэрин быһаарыы. Өссүө гини агыйак аксааннаак норуоттар промышленнай компаниялары гытта һыһыаннарын, һокуонунан бигэргэтии наадатын эттэ. Колобурунан эттэ, Томпо районугар кластеры тэрийии проегын, Иркутскай облаһыттан тимир суолу тутууну, ол суол Якутия һогуруу һиринэн ааһарын. Ол өһү олоктоок киһилэр имиччи да билбэттэр. Үгүс кочевой общиналарга уведомления туттарбыттар, түргэнник бу тимир һуолу тутууга соглосованияга кытталларыгар. Роббек бэйэтин этиитин эттэ, бу проегы кочевой общиналары, олоктоок бэйэни һалайыныы органнарын онуга атын дьону гытта һүбэлэһэргэ. Һака Һирин Ил Түмэн Государственнай түмсүүтэ постоновления ылынна, бу доклады болгомтого ыларга.

Тылбаастаата Туприна П.И.