Һака Һирин, Өлөөн районугар кыыл таба миграциятыттан ыксаллаак быһыы

Һака республикатын Өлөөн районугар ыксаллаак быһыы буолла, Таймыр популяцията кыыл таба микрациятыттан. «Оленекскай” МУП 1,2,3 онуга 5 стадаларын дьиэ табатын , кыыл таба иллэ барар кутталланна.

Ол куттал турбутугар буус тоҥор 29 күнүгэр «Алроса” авиационнай компания көмө оҥордо. Ыстааданы карыстыырга диэн, гини табаһыттары онуга наадалаак маллары ыстаадаларга тиэрдэн биэрдэ.

Дьиэ табатын, кыыл табаттан карыстыырга диэн специализированнай биригээдэлэр — табаһыттар, отпускага һылдьар үлэһиттэр онуга булчуттар бардылар. Гинилэр бу һыалы толорорго диэн барытынан кааччылыннылар.

Район главата Лена Иванова олоктооктору барыкааннарын ыҥырда, бу буола турар ситуацияга бэлэм буолалларын гына онуга инструкцияны тутуһалларыгар.

Инники этиллибитин көрдүк, бу биричиинэ кыыл таба миграционнай маршрута уларыйбытынан буолуон һөп, эбэтэр туундарага ас агыйаабыта буолуон һөп. Бу инцидент һаҥа өбъект көрдүк, кыыллар быһыыларын онуга экологияны үөрэтэргэ аналлаак буолуо, того диэтэккэ маннык көстүү дэҥҥэ буолар.

Ыксаллаак быһыы Өлөөн районугар билигин да турар. Олоктоок былаас онуга специалистар бу быһыыны үөрэтэллэр, миэрэ ылыналлар, маннык инцидент инникитин таксыбатын диэн.

Ирина Курилова

Тылбаастаата Туприна П.И.