Түргэн скоростаак интернет Бэс – Күөл онуга Тяня поселактарыгар

ИЛКЭН. Якутия Олекминскай районугар түргэн скоростаак интернет Бэс – Күөл онуга Тяня поселактарыгар киирдэ. Бу события улакан значениялаак олоктоок дьоннорго, того диэтэккэ үлэлииргэ һаҥа возможностар, кэпсэтэргэ онуга проектары оҥорорго. Буну бэлиэтээбитэ Якутия главата Айсен Николаев торжественнай волоконно – оптическай линия һибээһин (ВОЛС) арыйар церемониятыгар, III федеральнай форум «Цифровой алмаз” площадкатыгар.

Бу проект баар буолбута социально ориентированнай сотрудничествоны гытта республиканскай онуга көмүс костуур компания “Нордголд”, республика Фондун инновация һайдыытын гытта соглашения түһэрсибиттэриттэн. ВОЛС тардар үлэтин “Арктик Телеком» компания оҥорбута, ол оптоволокно барыкаана 170 км уһуннаак. Һибээс линията 14200 км уһуннаак, Якутия 389 поселоктарын тагайан ааспыта, түргэн интернетынан 93% республика олоктоокторо тутталлар. Бу ВОЛС проегын өссүө да һалгыы үлэтин ыыталлар, ыраак һытар поселоктарга диэн Якутия главата эттэ.

Марина Коренева

Тылбаастаата Туприна П.И.