Якутскайкага эбээн норуота инникитин lV Съездка быһаарыа

ИЛКЭН. Караҥа ыйын 2- 4 күннэригэр Якутскайга эбээн норуотун lV Съезда буолуога, биэс регион салайааччыларын өйөөһүнүнэн онуга Сибирь онуга Дальняй Восток агыйак аксааннаак коту норуоттарын Ассоциацията. Улакан форумҥа көрүөктэрэ — истиэктэрэ инники һайдыы һуолун онуга эбээн этноһын һайдыытын, төрүт тылы карыстыыры онуга төрүт культуураны, ону гытта төрүт дьарыктаак ологу онуга эбээннэр агыйак аксааннак норуоттар буолалларын. Эбээн норуотун Ассоциациятын председателин һолбуйааччы Анатолий Слепцов кэпсээтэ туок мероприятия буоларын.

Съезд иһинэн буолар мероприятия былааннара: төгүрүк остуол темата «Эбээн тыла, культуурата: билиҥҥи кэмэ, проблемата онуга инникитэ»; национальнай дьыала Федеральнай агенство правовой семинарын темата: «Россия Коту олорор агыйак аксааннаак норуоттар бырааптарын көмүскүүр һокуоннар»; «Һээдьэ» эбээн үҥкүүтүн запевалаларын межрегиональнай конкурса; атын мероприятиялар. Ону гытта эбээн ага уустарын үөрүүлээк көрсүһүүтэ буолуога Якутия 12 арктическай районнарыттан, Чукоткаттан, Камчаткаттан, Магадан облаһыттан, Хабаровскай онуга Камчатскай крайдартан онуга көс олоктоок Соловьевтар кэргэттэрин чиэстээһин – «Семья года” всероссийскай конкурс “Көс олоктоок кэргэн” номинация кыайыылаактара.

Эбээн норуотун ассоциацията 1991 дьыллаакка Якутскайга тэриллибитэ , бастакы съезд эбээн һуруйааччыларын онуга ученай – исследователларын тэрийбиттэрэ. Гини Россия агыйак аксааннаак эбээн норуотун мунньар, биэс Российскай Федерация субъектарынан олорор: Һака Республикатыгар, Магаданскай областка, Хабаровскай крайга, Камчатскай крайга онуга Чукотка автономнай округка.

Һака Һирин КМНС Ассоциацияларын иһитиннэриитэ

Тылбаастаата Туприна П.И.