Якутияга «Земскай культуура үлэһитэ» 2 миллион ылыага

ИЛКЭН. Күн таксар ыйын 1 күнүттэн 2025 дьылыттан Россияга «Земскай культуура үлэһитэ» диэн программа үлэтин саҕалыыр, президент Владимир Путин инициативатынан. Гини «Земскай учиитал» онуга «Земскай доктор» проектары һалгыыр. Куччугуй куораттарга, поселоктарга үлэлии барар үлэһиттэр 1 миллион һолкуобай, онуга Дальняй Восток олоктоокторо – 2 миллион ылыактара.

Ыраак баар поселоктарга кадр тиийбэт, искусство школаларыгар, һынньалаҥ центрдарыгар, библиотекаларга онуга музейдарга диэн Якутия культуура министра Афанасий Ноев бэлиэтиир. 2030 дьылга диэри бу программага, культуура һалаатыгар 200 специалиһы үлэгэ ылыактаакпыт.

Бу программа, «Развитие культуры» госпрограмма иһинэн ыытыллар. Гини культуура үлэһиттэрин ваканцияларын толоруоктаактар, единовременнай выплатанан. Мунна кыттыыны ылыактара үрдүк онуга орто үөрэктээктэр, поселоктарга онуга городтарга үлэлиир 50 тыһыычча киһи.

Тылбаастаата Туприна П.И.