Музейга кылаас чааһа

Бүгүн история онуга культуура музеигар “Дьончидьак” кылаас чааһа 9 кылаас ускуола үөрэнээччилэригэр буолла, кылаас һалайааччыта Ирина Александровна Степанова. Бүгүҥҥү көрсүһүү тематынан буолла «Мин гениологиям” диэн ааттаак , “Память предков: гениология моей семьи” научнай– исследовательскай үөрэнээччилэр үлэлэрин республиканскай конкурсун иһинэн. Үөрэнээччилэргэ гениологи диэн тугун кэпсээтибит, аймактар, уруулар тустарынан үгүһү биллибит.

Гинилэр кос эбээлэрэ, эһээлэрэ кимнээктэрин, һорокторго кос кос эбээлэрэ, эһээлэрэ буолалларын. Оголорго кэпсээтибит, аймактаргын билбэт буоллаккына туок куһаган түмүктээгин, омук туһунан, колобурунан бүгүҥҥү Украинага буола турар куһаган быһыыны. Оголор бэрт кичигээргээтилэр, бэйэлэрин аймактарын, кэргэттэрин гениалогическай схемаларын оҥорон көрдүлэр. Көрсүһүү бүтэһигэр чаепитие, эҥин – эҥин оголор кичиҥээргиир боппуруостарынан кэпсэтии буолла. Улакан паһииба Ирина Александровнага, оголорун музейга агалбытыгар.

Һуруйда музей директора Николай Афанасьевич Кривошапкин.

Туприна П.И. тылбааһа