Эбэҥки мастерицата Якутия главатын стипендиятын ылла

ИЛКЭН. Олонко күнэ, күн түһэр 25 күнүгэр бэртээк олонкоһукка, оһуокай таһаарааччыга, уустарга онуга норуот маастардарыгар Һака Һирин Главата торжественно стипендия туттарда. Стипендиаттар ортолоругар Өлөөнтөн һылдьар норуот маастара Надежда Колодезникова. Стипендияны конкурснай отбор түмүгүнэн туттардылар. Стипендия һыанабыла 30 тыһыычча һолкуобай, онуга ый аайы төлөнөр дьыл туркары.

Надежда Колодезникова Өлөөн районуттан Карыйалаактан төрүттээк, 4 ого иньэтэ, таптыыр онуга тапталлаак һиэннэригэр эбээ. Куччугуй эрдэгиттэн көс олоктоок табаһыттар олокторун билэр онуга отучча дьыл таба стадотыгар үлэлээбитэ. 2012 дьыллаакка “Наруот маастара” званиятын ылбыта, Москвага буолар «Сокровище Севера» международнай выставка – ярмарка кас да кыттыылаага, “Алакуо” эбэҥки фольклорнай ансамбль кыттааччыта, Республиканскай «Северянка-2019» көс олоктоок норуоттар дьакталларын фестиваль – конкурсун кыайыылаага.

Ирина Курилова

Тылбаастаата Туприна П.И.