“Тымныы байгалга олорор киһилэр тустарынан” кинигэ презентацията буолла

2024 дьылга күн түһэр 27 күнүгэр Национальнай библиотекага икки һаҥа кинигэ презентацията буолла, Русская Устья олоктоокторун культууратыгар онуга историятыгар аналлаак – ыраак һытар тымныы байгал аттыгар олорор киһилэргэ. Бу мероприятия тэриллибитэ Презедентскай фонд культуура инициативатынан онуга АНО Даурскай клуб поддержкатынан.

Презентацияга көллөрбүттэрэ «Русскай Устья сказкалара” сборник онуга Рускоустинскай словарь. Кинигэни бэчээттээн таһаарбыт киһинэн буолар Игорь Чикарев.

Кинигэни таһаарарга кыттыбыттара редактор-составителлар: словары – Татьяна Александровна Бердникова, СВФУ доцента, филологическай наука кандидата; сказкалар сборниктарын – Оксана Михайловна Сальникова, СВФУ доцена онуга филологическай наука кандидата.

Мероприятияга кыттыбыттара научнай онуга музейнай общественность представителлара, СВФУ студеннара, һуруйааччылар, журналистар онуга ОО “Русскоустьинцы” чилиэннэрэ.

Бары презентация кыттыылаактара кинигэ комплектарын туппуттара. Өссүө 10 комплект кинигэни национальнай библиотекага онуга иккилии комплегы Һака Һирин районнарын библиотекаларыгар биэрдилэр.

Һаҥа кинигэлэри гытта билсиэккэ һөп Национальнай библиотека сайтыгар.

Тылбаастаата Туприна П.И.