«Илкэн» – биһи 25 дьылбыт. Агыйагы оҥордубут диэбэппит, инники өссүө элбэк күүтэр… Аагын, каһыат күн таксар ыйдаагы номерыгар

Үтүө күн, кылыылаак аагааччыларбыт, биир дойдулаактарбыт, доготторбут!

ГАУ РС(Я) “Сахапечат”республиканскай “Илкэн” каһыат күн таксар ыйдаагы номера тагыста.

Һанатабыт, издания аата эбэҥки тылыттан маска «бэлиэ” , “быһыы” диэн буолар. Маҥнайгы номер республиканскай таһымҥа буус тоҥор ыйга 1999 дьыллаакка таксыбыта, ол гынан биһи 25 дьылбыт.

Ааспыт өрөбүллэргэ Якутскайга традиционнай «Зима начинается в Якутии” фестиваль һагаламмыта. Пырааһынньык иһинэн международнай “Бриллианты Якутии» буус онуга каар скульптуралар конкурстара буолбута. Мунна кыттыбыттара һака мастердарын гытта дойду атын регионнарыттан, Монголияттан онуга Китайтан.

Пырааһынньык кыттааччылара онуга ыалдьыттар бэрт үөрбүттэрэ илэ коту һир табаларын көрөннөр. Бу табалары эгэлбитэ Раиса Ильинова Жиганскай районтан төрүттээк Аполлон Ильинов аатынан «Энеси Халан” община, һалайааччыта. Каартысканан кэпсиир «Илкэн” каһыат һаҥа номера.

Аныгыс нэдиэлэгэ региоммыт столицатыгар РФ эбээннэрин съеһа үлэтин һагалыага, онно эбээннэр ага уустара көрсүөктэрэ Якутия 12 арктическай районнарыттан, Чукоткаттан, Камчаткаттан, Магадантан, Хабаровскайтан. Бу бэрт улакан событие буолар.

Һака республикатын эбээннэрэ улакан суглаҥҥа мунньустуоктара, отчеттар онуга инникигэ пылааннар, һаҥа председатели онуга Якутия эбээннэрин Союһын правлениятын талактара.

Үгүс өс нууччалыы онуга КМНС тылларынан 2-5 стр. Ол көрдүк һоторутаагыта Семен Курилов аатынан этнографическай музей 30 дьыла буолбута Андрюшкина поселокка Нижнеколымскай райоҥҥа, музей каһан тэриллибитин онуга аныгы кэмин историятын, «Ханидо и Халерха” биллэр роман авторыгар анаммытын кэпсээтэ хранилища директора Алиса Чернякова.

“Селигдар” полиметалическай холдинг һүбэлэҥ түһэрсибиттэрэ, Алдан районун эбэҥки Беллетскай поселогын гытта һалгыы бииргэ үлэлииллэрин туһунан, бу олоктооктор интириэстэригэр диэн буолар (5 стр.).

Маргарита Вырдылина «Колокольчиктара” диэн туогуй, Аллараа Калыма Андрюшкина поселок ого коллективын һалайааччыта, музыкальнай ускуола фольклор онуга хореография преподавателя? Улакан онуга интириэһинэй Ирина Курилова интервьютун аагын (8-9 стр).

Биһи каһыаппыт онуга порталбыт дьиэ табатын иитиитин, кыыл табаны гытта таймылырскай популяциятын туһунан билэ – көрө олоробут. Буну барыкаанын традиционнай отрасль туһунан үлэни 11 стр. аагын.

Ааһан эрэр високоснай дьыл, комойуок иһин, бэрт комолтолоок олоктоок омуктар литератураларыгар, духовнастарыгар онуга культураларыгар…

Оннук көрдүк олоктон барбыттара биллэр киһилэрбит, эбэҥки Людмила Алексеева – Геван (НВК «Саха”), Николай Калитин, эбэҥки һуруйааччыта онуга Якутия КМНС Ассоциациятын һагалааччыта, Варвара Данилова, эбэҥки, һуруйааччы, Илкэн маҥнайгы редактора, Анатолий Платонов – Ламутскай, һуруйааччы, регион эбээннэрин лидера. Бу испииһэги һалгаабыта Гаврил Курилов – Улуро Адо , юкагир норуотун улакан уола, ученай, һуруйааччы, философ, публицист, гини үлэтин аан дойду билэр…

“Вы помните…вы все, конечно, помните…» диэн ааттаак «Илкэн” 25-дьылын материалларын биһиэкэ ыыппыта М.К.Аммосов аатынан СВФУ филологическай наука доктора Юлия Хазанкович (12-13 стр.).

“Он искренне любил жизнь” буннук ааттаак Анатолий Степанович – Ламутскай туһунан һанаалар онуга коһооннорун туһунан (14-15 стр.).

Бараммат өйдөбүл…

Һуруттарын онуга аагын «Илкэни”. Һуруттарыы Почта России сайт нөҥүө онуга каннык багар почта отделениятыгар, Дом Печати биһиги редакциябытыгар.

Биһиги биир ааттаак порталбытыгар киириҥ онуга өстөрү һуруйуҥ.

Валентин ХОТУ

Тылбаастаата Туприна П.И.