Vl Россия эбээннэрин съеһыгар төрүт тыл онуга культуура билиҥҥи кэмин онуга инникитин кэпсэттилэр

Караҥа ыйын 6 күнүгэр гуманитарнай исследования Институтыгар онуга агыйак аксааннаак коту норуоттар СО РАН төгөрүк устуол буолла «Эбээн тыла онуга культуурата: билиҥҥитэ, проблемата онуга инникитэ”. Модераторынан буолла СВФУ севернай филология кафедратын профессора Сардана Шадрина, филологическай наука кандидата.

Төрүт тыл билиҥҥитэ бары агыйак аксааннаак Коту норуоттарга һытыытык турар. Кыттыбыт киһилэр бэлиэтииллэринэн, билиҥҥи кэм ыаракан. Сардана Ивановна төгүрүк устуолу научнай докладынан арыйда билиҥҥи кэмҥэ эбээн тыла, биэс региоҥҥа эбээннэр олорор һирдэригэр. Түмүгэ: быһаарыыны билигин ылбатакка төрүт тыл һүтэр көрдүк.

Кыттааччылар үчүгэй колобурдары эттилэр эрээри, ол агыйак. Чукоткаттан һылдьар Аркадий Тарабукин киинэлэри эбээн тылыгар переводтуур. Магадантан һылдьар Семен Гурбичан тылы таргатар, коһоон, ырыа үуруйар онуга переводтары оҥорор. Магадан театрыгар гини эбээннии кыттар спектакльлара «Золотая маска” премияга номинируйся буолбут. Якутия народтарын музыка онуга фольклор музеин директора Мария Корнилова кэпсээтэ мультиктары оҥороллорун агыйак аксааннаак коту норуоттар тылларынан. Илаан Попова – Кындыкан Коту норуоттар тылларын онуга культуураларын һайыннарар проектарын кэпсээтэ.

Проект резолюции круглого стола

Андрей Исаков

Тылбаастаата Туприна П.И.