«Дуннэдув» выставката ыалдьыттары ыҥырар

Караҥа ыйын 12 күнүгэр – Һака Һирин агыйак аксааннаак котугу норуоттар күннэрэ бэлиэтэнэр. Якутскай гуоракка мепроприятиялар буолаллар, Эбээн — Бытантаай национальнай районун 35-дьылыгар онуга «Илкэн» каһыат 25 дьылыгар аналлаак. Һоторукаан Россия эбээннэрин съеһа буолан ааспыта, биликкээн Якутия эбээннэрин съеһа буола турар.

Бу событиялары гытта, бүгүн арылынна «Дуннэдув» Үһүс Республиканскай агыйак аксааннаак коту норуоттар выставкалара.

Выставкага 55 маастар кыттар 14 районтан, Якутскайтан, Хабаровскайтан онуга Камчатскай крайдартан. Симэх центр директора Яна Игнатьева бэлиэтээтэ выставкага кыттар киһи аксаана элбээбитин, ону гытта мастерицалар элбээбиттэрин, выставочнай мероприятияларга бэртик кытталларын, ону гытта национальнай таҥастаакшествияга паас түһэр 5 күнүгэр Якутия народнай маастарын күнэ.

Яна Игнатьевна Һака Һирин Главатын стипендиятын сертификаттарын туттартаата РС(Я) норуот маастарыгар Надежда Колодезниковага.

Ону гытта гини «Мастер народных художественных промыслов РС(Я)» удостоверенияны онуга знагы биһиги коллегабытыгар Любовь Деминага туттарда

Яна Николаевна приветственнай онуга подарок «Илкэн» каһыат редакторыгар Андрей Исаковка, Эбээн – Бытантаай национальнай район главатыгар Иннокентий Стручковка онуга Якутия КМНС Ассоциациятын президеныгар Константин Роббекка туттарда.

Константин Роббек бэлиэтээтэ, биһиги мастерицаларбыт традицияларын илдьэ һылдьалларын онуга боскуой оҥоһуктарын выставкага көллөрөллөрүн. Ол гынан, Роббек һаҥарда, бу күннээги олокко туттуллар маллары онуга таҥастары күннээги олокко кэтэллэрэ буоллар диэн.

Выставка үс күн туруога, бары Коту һири онуга төрүт олоктоок норуоттар культуураларын кичиҥээргиир дьоннору экспонаттары кэлэн, бэйэгит илэ караккытынан көрөргүтүгэр ыҥырабыт.

Аят Сатаров 

Туприна П.И. тылбааһа